Almatyda «Nurly Taý» bıznes ortalyǵynan órt shyqty

ALMATY. QazAqparat- Almatyda «Nurly Taý» bıznes ortalyǵy órtendi, dep habarlaıdy QazAqparat tilshisi.

Almaty qalalyq Tótenshe jaǵdaılar departamentiniń málimetinshe, búgin keshki saǵat 19:03 shamasynda órt sóndirý brıgadasy Bostandyq aýdany, ál-Farabı dańǵyly 7/4 a mekenjaıy boıynsha shaqyrtýǵa shyqty.

«Gaz-tútinnen qorǵaýshylar barlaý barysynda, 19-qabatta kondıtsıonerdiń syrtqy blogynyń 2 sharshy metr aýmaǵy janyp jatqanyn anyqtady. Qyzyl jalyn balkonǵa taralyp úlgergen»,- dep habarlady vedomstvodan.

Órt qysqa merzimde joıyldy.

Abyroı bolǵanda zardap shekkender men qaza tapqandar joq.