Almatyda Nur Otan músheleri «Praımerız» aqparattyq júıesinde avtorızatsııadan ótýde
Elbasy, «Nur Otan» partııasynyń kóshbasshysy Nursultan Nazarbaevtan keıin Almaty ákimi, partııanyń Almaty qalalyq fılıalynyń tóraǵasy Baqytjan Saǵyntaev, almatylyqtar, sondaı-aq ǵalym, qoǵam qaıratkeri Rahman Alshanov, Qazaqstannyń Eńbek Eri Aıagúl Mırazova, shahmattan halyqaralyq sheber jáne áıelder arasyndaǵy grossmeıster Jansaıa Ábdýmálik «Praımerız» aqparattyq júıesinde avtorızatsııadan ótti.
Aqparattyq júıede kandıdattardyń saılaý aldyndaǵy baǵdarlamalary men daýys berý protsesine qatysý qaǵıdalary erkin jarııalanǵan.
«Nur Otan» partııasynyń Almaty qalalyq fılıaly tóraǵasynyń birinshi orynbasary Stanıslav Kankýrovtyń aıtýynsha, qalada partııanyń 60 myńnan astam múshesi turady.
Almatydaǵy praımerızdiń ereksheligi - árbir almatylyq turǵyn úmitkerlerge suraq qoıyp, úmitkerlerdiń jáne partııanyń aýdandyq fılıal paraqshalarynda habarlama qaldyra alady. «Praımerız» aqparattyq júıesinde avtorızatsııaǵa keletin bolsaq, bul partııa múshelerine belgili bir kandıdat úshin daýys berý múmkindigi úshin qajet.
«Partııa múshelerin tańdap, olarǵa daýys berý veb-portal, mobıldi qosymsha arqyly jáne saılaý ýchaskelerinde júzege asady»,- dedi Stanıslav Kankýrov.
Esterińizge salsaq, daýys berý 1-3 qazan aralyǵynda ótedi. Al partııa múshelerine avtorızatsııadan ótý primaries.kz saıtynda nemese «Primaries 2020» mobıldi qosymshasynda qoljetimdi.
