Almatyda nóser jaýynnyń saldaryn joıý jumystary jalǵasýda

Almaty qalasy ákimi baspasóz qyzmetiniń habarlaýynsha, Alataý aýdanynda Qaraǵaıly ózeniniń sýy arnasynan shyǵyp ketken. Sonyń saldarynan Alǵabas kentindegi AZTM kóshesiniń boıyn sý basty.

Aýdan boıynsha «Shańyraq-2» yqshamaýdanyndaǵy Áýlıe aǵash, Ysqaqov, Marqakól, Syrym batyr, «Ójet» yqshamaýdany boıynsha Jıenbaev, «Áıgerim» yqshamaýdany boıynsha Shuǵyla kóshelerindegi jáne «Jylýenergetık» saıajaılyq qoǵamyndaǵy sý basý saldary joıyldy.

Bul jumystarǵa 50 adam jáne 10 tehnıka jumyldyryldy.

Almaly aýdany boıynsha Tóle bı-Jumalıev jáne Jumalıev-Maqataev kósheleriniń qıylystary sý astynda qaldy. Bir aǵash qulady. Mundaǵy sý basý saldaryn joıýǵa 16 adam men 4 tehnıka jumyldyryldy.

Áýezov aýdany boıynsha «Aqsaı-1A» yqshamaýdanyndaǵy nómiri 31-shi kópqabatty turǵyn úıdiń, «Aqsaı-2» yqshamaýdanyndaǵy nómiri 40-shy kóp qabatty turǵyn úıdiń, «Dostyq» yqshamaýdanyndaǵy Trýdovaıa kóshesi 1 mekenjaıynyń aýlasyn, «Aqsaı-4» yqshamaýdanyndaǵy nómiri 16-shy kóp qabatty turǵyn úıdiń jertólesin sý basty. Bul sý basý saldaryn joıýǵa 30 adam men 6 tehnıka jumyldyryldy. Aýdan boıynsha 5 aǵash qulady.

Bostandyq aýdany boıynsha Baǵanashyl yqshamaýdanynyń Vostochnaıa kóshesin sý basty. Qazirgi sátte bul jerde sýsorǵysh arqyly sýdy tartyp shyǵarý jumystary júrgizilip jatyr. Oǵan 30 adam men 7 tehnıka jumyldyrylǵan. Barlyǵy 5 aǵash qulady.

Jetisý aýdany boıynsha Esentaı ózeniniń tasýyna baılanysty, Letnıaıa, Angarskaıa, Markelova kósheleri boıyndaǵy jeke úılerdi sý basty. Sonymen qatar, Ýssýrııskaıa, 15,17, Súıinbaı dańǵyly 70-72. Stanıslavskıı kóshesi 75,79 mekenjaılaryn da sý basty. Apat saldaryn joıýǵa 90 adam men 13 tehnıka jumyldyryldy. 3 aǵash qulady.

Medeý aýdany boıynsha Jarbulaq ózeniniń tasýyna baılanysty, Mnogovodnaıa kóshesi boıyndaǵy jeke turǵyn úıler, Esenberlın kóshesi 155, Rýbtsovskaıa kóshesi 14 mekenjaılarynda ornalasqan turǵyn úılerdi de sý basty. Apatty joıýǵa 50 adam men 7 tehnıka jumyldyryldy.

Naýryzbaı aýdany boıynsha Moldaǵulova kóshesi 7, 11A, Aıbolıt kóshesi, Keńesbaev kóshesi, Qajymuqan kóshesi 30 mekenjaıy,sondaı-aq, Taýsamaly yqsham aýdanyndaǵy baqshalyq aýmaqtar sý astynda qaldy. Bul apat saldaryn joıýǵa 40 adam men 10 tehnıka jumyldyryldy.

Al Túrkisib aýdany boıynsha Jansúgirov-Jumabaev, Bekmahanov kóshesi 64-68, Kommýnarov kóshesi 1 mekenjaılaryn sý basty, sondaı-aq, Basqarasý ózeniniń tasýyna baılanysty Dombrovskıı kóshesi 6,8, Seıfýllın dańǵyly 3, Kotelnıkov kóshesi 121, Túrkistan kóshesi 22, Maıskaıa ýtro kóshesi 17 mekenjaıynda ornalasqan turǵyn úılerdi sý basty. Aýdan boıynsha 14 aǵash qulady. Bul apatty joıýǵa 60 adam men 10 tehnıka jumyldyryldy.

Aıta ketelik, Almatyda 16 mamyr kúni keshki ýaqytta nóser jańbyr jaýǵan edi.