Almatyda nóser jaýyn: 5 úı men 9 kósheni sý aldy
ALMATY. QazAqparat - Almatyda sońǵy úsh kúnniń ishinde tolassyz jaýǵan nóserdiń saldarynan 24 nysandy sý aldy. Bul týraly qalalyq óńirlik kommýnıkatsııalar qyzmetinde TJD ókilderi aıtty, dep habarlaıdy, QazAqparat tilshisi.
«Nóser jaýynnyń saldarynan qalada 5 jekemenshik turǵyn úı, 8 aýla, 9 kóshe sý astynda qaldy. Uıym qyzmetkerleriniń jedel áreketiniń arqasynda sý basqan aımaqtardy dereý qalpyna keltirý jumystary júrgizildi. Negizgi sebep tuǵyndardyń aýladaǵy aryq tazalyǵyna atústi qaraýynan bolǵan. Jáne de bar aryq júıeleri jaýynnyń shamadan tys kóp túsýine tótep bere almady»,- dedi Almaty qalasy tótenshe jaǵdaılar departamenti basshysynyń orynbasary Erlan Álibekov.
Sý basý derekteriniń kópshiligi Alataý jáne Medeý aýdandaryndaǵy bolǵan.
Tótenshe jaǵdaıdan turǵyndar zardap shekken joq. Qaladaǵy tótenshe jaǵdaıdy joıýǵa 615 adam, 176 tehnıka, 34 motopompa jumyldyrylǵan.
Avtory: Araılym Joldybaeva
