Almatyda nóser jańbyr saldarynan 23 úı, 69 aýlany sý basty - QR ІІM TJK (FOTO)
ALMATY. QazAqparat - Almatyda 23 jeke úı jáne 69 aýlany sý basty. Bul týraly QR ІІM Tótenshe jaǵdaılar komıtetininiń resmı ókili Rýslan Imanqulov habarlady.
R. Imanqulovtyń málimdeýinshe: «Almatyda sý basýdy toqtatý jumystary jalǵasýda. Búgingi tańda Almaty qalasynyń Naýryzbaı jáne Bostandyq aýdandarynda tótenshe jaǵdaı qyzmetkerleri qum-tas toltyrylǵan 1 350 qaptan bógeý jasaǵan.
Almaty qalalyq tótenshe jaǵdaılar jónindegi departament 15 maýsymdaǵy «Qazgıdromet» RMK eskertýiniń negizinde qalyptasqan jaǵdaı týraly SMS - habarlama taratý arqyly qala halqyn aqparattandyrdy», - dedi.
2016 jylǵy 17 maýsymda 13 saǵat 30 mınýttan bastap qala aýdandarynda jeke úıler men aýlalardy sý basý týraly aqparattar kelip túse bastady.
Qalyptasqan jaǵdaıǵa baılanysty kúsh pen qarjynyń durys maqsatta jumsalyp jatqanyn baqylaý maqsatynda departamenttiń jedel shtaby iske kiristi.
Sý basqan barlyq aýdandarǵa qalyptasqan jaǵdaıdy baqylaý úshin departamenttiń jedel toptary jáne tótenshe jaǵdaı jónindegi kezekshi jaýapty bólimderi jiberildi.
Búgingi tańda 23 jeke úı jáne 69 aýlany sý basqany belgili bolǵan. «Qarǵaly ózeniniń jaǵasyna jáne basqa da qajetti degen jerler qaptarmen bógeldi, sondaı-aq Qarǵaly ózininiń jáne basqa da jerlerdegi sý deńgeıin tómendetý jumystaryn júrgizý úshin jeke quramnyń 219 mamany jáne 59 tehnıka, qalanyń kommýnaldyq qyzmetiniń 11 motosorǵysy, Almaty qalalyq TJD-nyń órt sóndirý jáne qutqarý qyzmetteri, Almaty qalasy ákimdiginiń qutqarý qyzmeti, «Qazseldenqorǵaý» MM iske kirisken», - dep atap ótti.
17 maýsym 15.00 saǵattaǵy Qazseldenqorǵaýdyń málimetinshe taý betkeıine - 42,5 mm jańbyr túsken. 
