Almatyda nómirsiz kólikpen qarsy baǵytta júrgen polıtsııa qyzmetkeri jazalandy
ALMATY. QazAqparat - Almaty men Almaty oblysy shekarasynda nómirsiz kólikpen qarsy baǵytta júrgen polıtsııa qyzmetkeri jazalandy, dep habarlaıdy QazAqparat tilshisi.
Onyń vıdeosy áleýmettik jelide tarady.
Oqıǵa 2 jeltoqsanda tańerteń Talǵar tasjoly boıynda Besaǵash aýylynyń mańynda bolǵan. Oqıǵa kýágeri tańǵy saǵat 7.00 shamasynda «Mercedes» júrgizýshisi keptelis kezinde qarsy jolaqqa qalaı shyqqanyn kameraǵa túsirip alǵan.
Jeli qoldanýshy júrgizýshiniń polıtsııa formasynda jáne kólik nómirsiz bolǵanyn aıtty.
Almaty qalalyq polıtsııa departamenti jaǵdaıǵa qatysty pikir bildirdi.
Vedomstvo málimetinshe, vıdeoǵa Patrýldik polıtsııa polkiniń qyzmetkeri túsip qalǵan. Ol birqatar jol qozǵalysy erejesin buzdy.
«Qyzmetker ákimshilik jaýapkershilikke tartyldy. Qazirgi ýaqytta bul fakt boıynsha qyzmettik tekseris júrgizilip jatyr. Polıtseıdiń áreketin Almaty Polıtsııa departamentiniń tártiptik komıssııasy qaraıdy, ári qaraı sharalar qabyldanady», - dep habarlady qalalyq polıtsııa departamentiniń baspasóz qyzmeti
