Almatyda Nıva qaǵyp ketken jolaýshy jansaqtaý bóliminde jatyr
ALMATY. QazAqparat - Almaty dárigerleri Nıva qaǵyp ketken jolaýshynyń jaǵdaıy týraly aıtty, dep habarlaıdy QazAqparat tilshisi.
Jol apaty Qapshaǵaı kópirinde bolǵan edi. 28 jastaǵy «Nıva» júrgizýshisi tyıym salynǵan jerden júgirip shyqqan adamdy qaǵyp ketken.
Dereý japa shekken adamdy qaraýǵa shyqqan júrgizýshini júıtkigen Land Rover qaqqan. Alǵan jaraqatynan jigit sol jerde qaza tapty.
Al japa shekken júrginshi №4 aýrýhanaǵa túsken edi.
«Kólik qaqqan jigittiń jaǵdaıy óte aýyr. Qazir onyń ómiri úshin dárigerler arpalysyp jatyr», - dedi qalalyq Densaýlyq saqtaý basqarmasynyń baspasóz qyzmetinen.
Almaty polıtsııasy atalǵan oqıǵaǵa qatysty qylmystyq is qozǵady.
«Bul derek boıynsha QR QK 345-babynyń 3-bólimimen qylmystyq is qozǵaldy. Birqatar saraptama taǵaıyndaldy», - dedi qalalyq ІІD resmı ókili Saltanat Ázirbek.
