Almatyda nıtrat qosylǵan jemister satylýda - sanıtarlyq dárigerler
ALMATY. QazAqparat - Almatyda birqatar saýda ornynan alynǵan jemisterde nıtrat kórsetkishi tym joǵary bolǵan. Bul týraly qalalyq Tovarlar men qyzmetterdiń sapasyn baqylaý departamentiniń baspasóz qyzmeti málimdedi, dep habarlaıdy QazAqparat tilshisi.
Atap aıtqanda, mamandar Chılıden keletin júzim men Qytaıdan keletin shabdalyda nıtrat kórsetkishi óte joǵary ekendigin anyqtady.
Departament basshysy Aızat Moldaqasymovanyń aıtýynsha, jemisterde nıtrat kólemi qalypty jaıda 60 mg/kg aspaýy tıis. Shabdalyda nıtrat kórsetkishi 98mg/kg, al júzimde bul kórsetkish 81 kg/mg boldy. Sonymen qatar satýshylar azyq-túlikti jınalǵan kúni, saqtaý merzimi, óndirýshi týraly aqparatsyz satqan.
Barlyǵy 5 aıda kókónis jemisterden 72 synama alyndy.
Olardyń 43%-y qajetti reglamentke saı emes bolyp shyqty. Zańbuzýshylyqtardan soń 11 kásipkerlik sýbektisi ákimshilik jaýapkershilikke tartyldy. Olarǵa 1 mln 22 myń teńge kóleminde aıyppul salyndy.
Departamentten habarlaǵandaı, kókónis jemisterdegi nıtrat kórsetkishin tek zerthana anyqtaıdy. Al satyp alýshy tamaqtyń túr-túsi men ıisine qarap ajyratsa bolady.
