Almatyda Nıssan Patrol kóligi órtenip ketti
ALMATY. QazAqparat - Almatyda turaqta turǵan Nıssan Patrol kóligi órtenip ketti, dep habarlaıdy QazAqparat tilshisi.
QR TJM Tótenshe jaǵdaılar komıtetiniń resmı ókili Rýslan Imanqulovtyń aıtýynsha, tótenshe jaǵdaı Medeý aýdanynda Nurmaǵambetov kóshesinde bolǵan.
Órt sóndirýshiler kelgenshe kóliktiń 5 sharshy metr aýmaǵy janyp ketken.
«2001 jyly shyǵarylǵan Nıssan Patrol kóligi órtengen. Órt 12-33-te sóndirildi. Órtti sóndirýge 5 adam men 1 tehnıka jumyldyryldy», - dedi Rýslan Imanqulov.
Sonymen qatar, Almatyda búgin 13:51-de Bostandyq aýdanynda taǵy bir kólik otqa oranǵan.
«Aýdı «A6» kóliginiń motor bóliginde qysqa tuıyqtalýdyń kesirinen 0,2 sharshy metr aýmaqty qyzyl jalyn sharpydy. Ot órt sóndirýshiler kelgenshe sóndirilgen.
