Almatyda Nıkolskıı bazarynyń ornyna turǵyn úı kesheni salynady
ALMATY. QazAqparat– Almatydaǵy Nıkolskıı bazarynyń ornyna turǵyn úı kesheni salynady, bul týraly Almaty qalasynyń kásipkerlik jáne ınvestıtsııa basqarmasynyń basshysy Erkebulan Orazalın málim etti, dep habarlaıdy QazAqparat tilshisi.
Onyń aıtýynsha, bazar aýmaǵynyń nysan maqsaty ózgergen. Onda turǵyn úı kesheni boı kóteredi. Bazar kóktemge deıin jumys isteıdi. Ótken jyldyń kúzinde 170-ke jýyq kásipkerge bazardyń 2020 jylydyń sáýirine deıin ǵana jumys isteıtini týraly hattama taratyldy. Olardyń 20-30 paıyzy ketip qaldy. Qalǵandaryna basqa bazarlardan oryn usynyldy.
« Jer ıeleri áli joba ázirlemedi. Sáýlet basqarmasyna da júgingen joq. Tek nysan maqsatyn ózgertti. Zańǵa sáıkes, olar jerdi úsh jyldyń ishinde ıgerý qajet », - dedi baspasóz máslıhatynda Erkebulan Orazalın.
