Almatyda NFC 36 týrnıri asa aýyr salmaqtaǵy qazaqstandyqtyń jeńisimen bastaldy
ALMATY. QazAqparat – Almatyda qazaqstandyq Naiza Fighting Championship promoýsheniniń aralas jekpe-jek boıynsha NFC 36 týrnıri bastaldy, dep habarlaıdy QazAqparat Sports.kz saıtyna silteme jasap.
Týrnır asa aýyr salmaqtaǵy qazaqstandyq Aıbol Muratuly (aıqasqa deıin – 1-4) men grýzındik faıter Soslan Gasıevı (aıqasqa deıin – 6-3) arasyndaǵy aıqaspen ashyldy. Úsh raýndqa josparlanǵan jekpe-jek alǵashqy bes mınýt aıaqtalmaı turyp, Muratulynyń tehnıkalyq nokaýtymen (soqqylar) aıaqtaldy.
Osylaısha, Muratuly kásibı mansabynda ekinshi ret jeńiske jetip otyr. Qazaqstandyq sportshy osyǵan deıin tórt ret jeńilis tapqan. Al Gasıevı bul joly tórtinshi ret jeńildi.
Eske sala keteıik, shoýdyń basty kezdesýi jeńil salmaqtaǵy NFC chempıony Ildar Qudaıbergenov (4-0) pen onyń otandasy Serikbaı Qojabaev (11-5) arasyndaǵy jekpe-jek bolmaq.
