Almatyda «Nevada - Semeı» qozǵalysynyń otyrysy bolyp ótti
ALMATY. Tamyzdyń 10-y. QazAqparat /Erbol Turymbetov/ - Búgin Almatydaǵy Qazaq ulttyq agrarlyq ýnıversıtetinde «Qazaqstan men Japonııanyń ıadrolyq apaty qaıtalanbaýy kerek» degen taqyrypta otyrys bolyp ótti,
dep habarlaıdy QazAqparat.
Ony «Nevada - Semeı» halyqaralyq ıadrolyq qarýǵa qarsy qozǵalysy uıymdastyrdy. Bul jıyn 6-shy tamyz - Halyqaralyq ıadrolyq qarýǵa qarsy qozǵalys kúnine oraı ótkizilip otyr. Oǵan osy qozǵalys pen basqa da qoǵamdyq uıym músheleri jáne zııaly qaýym ókilderi qatysty.
«Qazaqstan aýmaǵynda Semeıden basqa da qanshama jerler radıatsııamen ýlanǵan. Máselen, Semeı oblysynda 468 jarylys bolsa, Batys Qazaqstanǵa jaqyn Kapýstın ıAr aýmaǵynda 40, Atyraý oblysy aýmaǵynda 17 jarylys júzege asyrylǵan», deıdi uıymnyń Qaraǵandy oblystyq bóliminiń tóraǵasy, ǵylym kandıdaty Marǵulan Hamıev.
55 jyldan beri tamyzdyń 6-sy men 10-y aralyǵynda Hırosıma men Nagasakı qalalarynda atom bombasy qurbandaryn eske túsirýge arnalǵan halyqaralyq konferentsııa ótip keledi.
1991 jylǵy 29-shy tamyzda Elbasy Nursultan Nazarbaevtyń Jarlyǵymen Semeı ıadrolyq polıgony jabylǵan bolatyn. Bul kún, sonymen birge, BUU Bas Assambleıasynyń sheshimimen Halyqaralyq ıadrolyq synaqqa qarsylyq kúni bolyp jarııalanǵan.
«Biz qazir burynǵy tarıhty, málimetterdi aıtýmen qatar, onyń sheshilý joldaryn qarastyrǵanymyz jón», dedi «Tabıǵat» qoǵamdyq uıymynyń basshysy Mels Eleýsizov.
Jıyn qorytyndysy boıynsha rezolıýtsııa qabyldanyp, tıisti oryndarǵa jiberiletin boldy.
