Almatyda «Nazarbaev modeli» kitabynyń tusaýy kesildi
ALMATY. QazAqparat - Elbasy Nursultan Nazarbaevtyń memlekettik mańyzdy saıası sheshimder qabyldaý kezindegi ustanymy men jumys úderisi týraly erekshe ádistememen jazylǵan «Nazarbaev modeli» kitabynyń qazaq tilindegi nusqasy búgin Ál-Farabı atyndaǵy Qazaq ulttyq ýnıversıtetinde tanystyryldy, dep habarlaıdy QazAqparat tilshisi.
Kitaptyń tusaýkeseri Almatyda Ál-Farabı atyndaǵy Qazaq ulttyq ýnıversıtetinde ótken «Nazarbaev modeli» ǵylymı konferentsııasynda ótti. Ǵylymı konferentsııa QR Tuńǵysh Prezıdenti - Elbasy kitaphanasynyń «N.Nazarbaev: dáýir, tulǵa, qoǵam» kóshpeli bilim berý jáne mádenı-aǵartýshylyq kórme jobasy aıasynda uıymdastyryldy.
Kitaptyń avtorlary: M.Qasymbaekov, B.Temirbolat, T.Shaımergenov. Avtorlardyń biri Baqytjan Temirbolat «QazAqparat» tilshisine bergen suhbatynda kitaptyń basty ereksheligine toqtaldy.
Onyń aıtýynsha, kitapta jas memlekettik tabystaryn qamtamasyz etip, qazaqstandyq kúre joldyń negizin qalaǵan QR Tuńǵysh Prezıdentiniń basqarý sheshimderiniń algorıtimderi naqty oqıǵalarmen jáne mysaldarmen ashylady.
Bul algorıtimdi kitap avtorlary «Nazarbaev modeli» retinde aıqyndaıdy.
Baqytjan Temirbolattyń aıtýynsha, kitapta oqıǵalardy taldaý barysynda zamanaýı basqarý mektebinde kópshilikke tanymal «keıs ádistemesi» birinshi ret keńinen qoldanylǵan. 
«Kitap - ujymdyq jumys. Onyń basty erekeshligi «keıs ádistemesimen» jazylýynda. ıAǵnı, kitap Qazaqstandaǵy naqty saıası sheshimder men ózgeristerge júgine otyryp, onyń sebepterin taldaýǵa arnalǵan. Mysaly, astanamyzdyń aýysýy, ıadrolyq qarýdan bas tartýymyz sekildi kúrdeli máseleler boıynsha saıası sheshim qabyldaý kezindegi Prezıdenttiń ustanymy, kózqarasy men onyń jumys tásili sýretteledi. Menińshe, bul - kitap ǵalymdar men stýdentter úshin mańyzdy», - QR Prezıdenti keńsesi basshysynyń orynbasary, saıası ǵylymdarynyń kandıdaty Baqytjan Temirbolat.
Kitapta «Nazarbaev modeliniń» negizgi jetistigi kórsetilgen. 
«Nazarbaev modeli» memlekettik damýyna «jetistikke jetpegen bir jyl joq!» dep sıpattaýǵa bolatyndaı serpin berdi. Búginde qomaqty jetistikterge qol jetkizgen Qazaqstan óziniń keleshek maqsattary men mindetterin taǵy da bir satyǵa joǵary kóterdi. Oǵan qol jetkizýde ýaqyt synynan ótken «Nazarbaev modeli» eń jaqsy súıenish bola alady», - deıdi kitap avtory.
Sonymen qatar, búgin Ál-Farabı atyndaǵy Qazaq Ulttyq ýnıversıtetinde «Álem tanyǵan Kóshbasshy» atty kitap kórmesi ashyldy. Onda N.Nazarbaevtyń álemniń birneshe tilinde jaryq kórgen kitaptary qoıyldy.
Eske sala keteıik, Elbasy kitaphanasynyń «N.Nazarbaev: dáýir, tulǵa, qoǵam» kóshpeli jobasy QR Tuńǵysh prezıdenti kúni jáne Táýelsizdik kúni merekesi qarsańynda Almatyda kóshpeli qor kórmesimen ashylǵan bolatyn. Onda QR Prezıdenti Nursultan Nazarbaevtyń jeke arhıvi, jeke kitaphanasy jáne Mýzeı qorynyń jádigerleri qoıylǵan. Kórme QR Ortalyq memlekettik murajaıynda 2018 jyldyń 14 qańtaryna deıin ashyq bolady.
