Almatyda Nazarbaev dańǵylynyń boıynda qozǵalys 5 táýlikke shekteldi
ALMATY. QazAqparat - Almatyda jóndeý jumystaryna baılanysty Nazarbaev dańǵylynyń boıymen qozǵalys 5 táýlikke toqtatyldy, dep habarlaıdy QazAqparat.
«Jóndeý jumystaryna baılanysty Nazarbaev dańǵylynyń boıynda kólik qozǵalysy ál-Farabı dańǵyly men Qajymuqan kóshesine deıingi aralyqta qyrkúıektiń 9-nan 14-ne deıin shekteledi»,-dep habarlaıdy Almaty ákimdiginiń baspasóz qyzmeti.
Aıta keteıik, bıylǵy jyly jóndeý jumystary Abaı, Abylaı han, Dostyq, Nazarbaev, Jeltoqsan dańǵyldary men «Almaty- 2» vokzaly aýmaǵy jáne Respýblıka saraıynyń aldyndaǵy alańda júrgiziledi. Qalada osy ýaqytta uzaqtyǵy 500 km bolatyn 524 kóshe jóndeledi.
