Almatyda naızaǵaı oınap, jańbyr jaýady

7-9 sáýir aralyǵynda Almaty taýlarynda jańbyr men burshaq jaýyp, naızaǵaı oınaıdy. Soltústik-shyǵystan jel soǵyp, onyń ekpini cekýndyna 20 metrge jetpek. Osyǵan baılanysty, TJD tómendegi qaýipsizdik sharalaryn saqtaýdy usynady:

- Eger naızaǵaı kezinde siz úıde bolsańyz, elektr symdaryna, antennalarǵa jaqyndamańyz, terezelerdi jabyńyz, teledıdardy, radıony jáne basqa da turmystyq elektr aspaptaryn óshirińiz jáne metall zattarǵa tıgizbeńiz.

- Tabıǵatta: jańbyrdyń bastalýyna deıin tabıǵatta demalyp júrseńiz, shatyrdy jaqsy bekitińiz, barlyq metall zattar: ydys-aıaq, kúrek, ara, balǵa, barbekıýdi) adamdardan 15-20 metr alys qoıyńyz, shatyrǵa jatyp, naızaǵaıdyń toqtaǵanyn kútińiz.

- Eger shatyr bolmasa, onda topyraqqa oqshaýlanyńyz. Astyńyzǵa polıetılen, butaq, tas salyńyz. Tizeni búgip, basty tómen túsirip, aıaǵyńyzdy birge qoıyńyz, polıetılenmen jabyńyz, óıtkeni dymqyl dene men kıim naızaǵaıdyń paıda bolý qaýpin arttyrady. - Ashyq dalada naızaǵaıdan qurǵaq shuńqyr, aryq, jartas qorǵaıdy. Sol jerlerge tyǵylý kerek. Alaıda ol jer sýǵa tola bastasa, dereý ketý kerek.

- Qumdy jáne tasty topyraq sazdan góri qaýipsiz ekenin este ustaǵan jón.

- Sý janynda: naızaǵaı kezinde shomylmańyz, sý qoımasyna jolamańyz, qaıyqta júzbeńiz, balyq ustamańyz.

- Eger siz sý aıdynynda bolsańyz jáne naızaǵaıdyń jaqyndap qalǵanyn kórseńiz, dereý akvatorııadan shyǵyńyz, jaǵalaýdan ketińiz. Eshbir jaǵdaıda jaǵalaýdaǵy butalarǵa tyǵylýǵa tyryspańyz.

- Kólikte qalmańyz, terezelerdi jaýyp, radıoqabyldaǵyshtyń antennasyn túsirińiz. Qozǵalysty toqtatyńyz jáne bıik aǵashtardan alys jerde bolyńyz.

- Velosıped pen mototsıkl naızaǵaı oınaǵan kezde qaýipti. Sondyqtan olardy jerge qoıyp, kem degende 30 metr qashyqtyqqa jyljytý kerek.

- Eger kóshede bolsańyz, esińizde bolsyn: naızaǵaı aımaǵynda júgirýge jáne ábigerge túsýge bolmaıdy, barlyq metall áshekeılerdi (alqa, saqına, syrǵany) sheship alyńyz. Metall qorshaýdyń, bolat qubyrlardyń, relsterdiń janynda turmańyz.