Almatyda naýryz jyly ári jańbyrly bolady
ALMATY. QazAqparat - «Qazgıdromet» RMK naýryz aıyna aýa raıy boljamyn jarııalady. Sınoptıkterdiń málimetinshe, Almatyda naýryzdyń basynda kún jyly, biraq jańbyrly bolýy yqtımal, dep habarlaıdy QazAqparat tilshisi.
Qystyń sońǵy aıynyń aıaǵynda Almatydaǵy kún raıyna tsıklon áser etedi jáne atmosferalyq aǵyndar júrip ótedi dep kútilýde. 25 aqpannan bastap keı jerlerde jaýyn-shashyn, tuman, kóktaıǵaq bolady. Túngi ýaqytta temperatýra mınýs 5-10 gradýs sýyqtan mınýs 2 - plıýs 3 gradýsqa deıin ózgerip otyrady. Kúndiz aýa temperatýrasy 0-den 3-8 gradýsqa deıin jyly bolady.
Budan bólek, kóktemniń kelýi de uzaq kúttirmeıdi. Naýryzdyń alǵashqy kúnderi jaýyn-shashynsyz, ashyq kún raıy ornaıdy, biraq áli de yzǵar seziledi. Temperatýra túnde 10-15 gradýs salqyn, kúndiz mınýs 2-den plıýs 3-ke deıingi aralyqty kórsetedi.
Birtindep kóktemniń jaımashýaq kúnderi qystyń yzǵarly aýa raıyn almastyrady. Mereke kúnderine qaraı túngi temperatýra 0-5 gradýs sýyq, al kúndiz 10 gradýs jyly bolady.
Sınoptıkterdiń boljamyna sáıkes, naýryz jyly ári jańbyrly bolýy tıis. Ortasha temperatýra men jaýyn-shashyn mólsheri normadan sál joǵary bolady dep kútilýde.
Avtor: Gúlzat Sahova
