Almatyda Naýryz meıramyna baılanysty birqatar kóshe jabylady
ALMATY. QazAqparat- Naýryz merekesi aıasynda ótkiziletin mádenı-buqaralyq is-sharalar barysynda Almaty qalasynyń birqatar kóshesinde kólik qozǵalysy toqtatylady, dep habarlaıdy QazAqparat tilshisi.
Naýryz meıramyna oraı 21 jáne 22 naýryzda qala aýmaǵynda túrli saltanatty is-sharalar josparlanǵan. Osyǵan baılanysty Jeltoqsan, Abylaı han, Nazarbaev kósheleriniń boıymen Gogol kóshesinen Qabanbaı batyr kóshesine deıingi aralyqta kólik qozǵalysy shekteledi.Tóle bı dańǵyly boıymen Jeltoqsannan Nazarbaevqa deıin («Astana» alańynda) jol qozǵalysy jabylady.
Sonymen qatar atalǵan aýmaqtarǵa kólik qoıýǵa tyıym salynady.Jol qaýipsizdigin qamtamasyz etý, mereke kúnderi kólik keptelisin boldyrmaý úshin Almaty polıtsııasy azamattardy bul sharalarǵa túsinistikpen qarap, aldyn ala qozǵalys baǵyttaryn rettep, jol qozǵalysy erejelerin qatań saqtaýǵa shaqyrady.