Almatyda Naýryz meıramy qaıda toılanady

ALMATY. QazAqparat - Bıyl Naýryz meıramy Almatyda alǵash ret 7 merekelik alańda atap ótiledi, dep habarlaıdy «QazAqparat» HAA tilshisi.

«21-24 naýryz aralyǵynda keń kólemdi is-sharalar 7 negizgi alańda ótedi, olar: Astana alańy, Panfılov kóshesi, Jibek joly kóshesi, AlmatyArena muz aıdyny kesheniniń aýmaǵy, HalykArena muz aıdyny kesheniniń aýmaǵy, Halyqaralyq «Suńqar» shańǵymen tuǵyrdan sekirý kesheni, «Atakent» kórme kesheni aldyndaǵy alań», - dep habarlady Almaty ákimdiginde.

Bıylǵy Naýryz meıramynyń ereksheligi búkil qala aýmaǵy qamtylady: shahardyń batys bóligindegi AlmatyArena muz aıdynynan shyǵys jaqtaǵy HalykArena keshenine deıin mádenı buqaralyq sharalar uıymdastyrylady.
Tuńǵysh ret taýdyń eteginde, «Suńqar» shańǵymen tuǵyrdan sekirý kesheninde jáne qalanyń ortalyǵynda - «Atakent» kórme kesheni aldyndaǵy alańda Jastar jylyna oraı sharalar ótedi.

Merekelik alańdarda almatylyqtar men qala qonaqtaryn súıikti ártisteriniń óneri, etno-qoıylymdar, dekoratıvti-qoldanbaly óner sheberleriniń jármeńkesi, qaıyrymdylyq aktsııalary jáne basqa da kóptegen tosynsyılar kútedi.