Almatyda Naýryz merekesine oraı «Myńjyldyq mereke» baǵdarlamasy ázirlendi
ALMATY. QazAqparat- Almatyda Naýryz merekesi QR Táýelsizdiginiń 25 jyldyǵy men Almaty qalasynyń 1000 jyldyǵy aıasynda atap ótiledi. Osyǵan baılanysty «Myńjyldyq mereke» baǵdarlamasy qalanyń barlyq segiz aýdanyn qamtıtyn bolady, dep habarlady búgin Almaty qalasy ákiminiń baspasóz qyzmetinen.
Sonymen aýdandyq merekeler myna mekenjaılar boıynsha uıymdastyrylady:
- Alataý aýdany - 22 naýryz, tańǵy saǵat 10:00. Aýdan ákimdigi aldyndaǵy alańda.
Almaly aýdany - 22 naýryz, tańǵy saǵat 11:00. Astana alańy.
Áýezov aýdany - 22 naýryz, tańǵy saǵat 10:00. Momyshuly kóshesi (Shalıapın kóshesi men Abaı dańǵylynyń aralyǵy).
- Bostandyq aýdany - 22 naýryz, tańǵy saǵat 11:00. «Mega» saýda oıyn-saıyq ortalyǵynyń aldy.
- Jetisý aýdany - 22 naýryz, tańǵy saǵat 11:00. «Maksıma» saýda oıyn-saýyq ortalyǵynyń aldy.
- Medeý aýdany - 22 naýryz, tańǵy saǵat 11:00. Oqýshylar saraıynyń aldy.
- Túrkisib aýdany - 22 naýryz, S. Seıfýllın atyndaǵy saıabaq.
- Naýryzbaı aýdany - 22 naýryz, tańǵy saǵat 11:00. №188-shi mekteptiń aldyndaǵy alań.
Al Almatydaǵy negizgi jalpyqalalyq Naýryz merekesi «Myńjyldyq mereke» degen ataýmen «Astana» alańynda 22 naýryz kúni tańǵy saǵat 10:00-den 21:00 saǵatqa deıin toılanady. Bul kúni alań 7 taqyryptyq aımaqqa bólinedi.
Aýdany 1000 sharshy metrlik sahna úsh deńgeıli sahnalyq planshetten jáne LED-ekrannan turady.
LED-dekoratsııanyń keskini boıynsha taý silemderine uqsas bolady.
Negizgi sahnadan basqa, alańda kıiz úıler, qostar tigiledi, sondaı-aq, ortalyq shatyr, kıiz tóselgen oıyn alańdary, arqan boıymen júretinderge arnalǵan alańdar, sport alańdary, kórermen trıbýnalary, jalaýlar ilinetin qurylymdar, sondaı-aq, «torsyq», «shamdal», «taıqazan», «múshel», «naýryz», «baǵana» sekildi kishi arhıtektýralyq pishinder, qoǵamdyq tamaqtandyrý oryndary, jeńil shatyrlyq qurylymdar jasalady.
QBTÝ ǵımaratynyń mańdaıshasy teatrdyń portaldy arkasy retinde jasalyp, «Qarǵaly dıademasy» dep atalatyn saqtyq órnektermen bezendiriledi.
Abylaı han dańǵyly boıynda balalarǵa arnalǵan balalar alańy jasalady. Onda anımtorlar, qazaq ertegileriniń keıipkerleri bolyp kıingen ártister óner kórsetedi.
QBTÝ ǵımaratynyń sol jaq qaptaly tsırk aımaǵy retinde paıdalanylady. Munda Qazaq memlekettik tsırkiniń ártisteri men Ózbekstannan kelgen arqan boıymen júrýshi ártister óner kórsetedi. Etno-aýyl aımaǵynda 20 kıiz úı tigiledi. Olardyń árqaısysynda almatylyq teatrlardyń ártisteri kelýshilerdi qazaq halqynyń salt-dástúrlerimen tanstyrady.
Odan basqa, «Astana» alańynda60 shatyrdan quralǵan sheberler jármeńkesi ornalasady.
Tóle kóshesiniń boıynda (Panfılov pen Fýrmanov kósheleriniń aralyǵy) ornalasqan sport aımaǵynda «Asyq atý», «Jamby atý», «Arqan tartys», «Qol kúres», «Toǵyz qumalaq», «Qazaqsha kúres» syndy ulttyq sport oıyndary, «Kókpar tartý» sııaqty ulttyq at oıyndary ótedi.
Merekelik saýda aımaǵy 20 shatyrdan turady, mundaǵy saýda núkteleri Panfılov kóshesinen bastalyp, Kazybek bı kóshesinen Tóle bı kóshesine deıin jalǵasady.
Uıymdastyrýshylardyń aıtýynsha, kontserttik baǵdarlamanyń ár bóligi naqtyly bir taqyrypqa arnalady. Olar Almatynyń memlekettiń qalyptasýyndaǵy alatyn erekshe ornynan, qala tarıhynan, mádenıet pen ǵylymnan syr shertetin bolady.
Bulardan ózge merekelik baǵdarlamaǵa «Kórisý» fleshmoby men «Shúlen tartý» atty ınteraktıvti sahna da engen.
Qazirgi kezde qalalyq merekelik bezendirýdiń montajdaý jumystary júrip jatyr. Qalanyń jalpy tujyrymdamasyna sáıkes, syrtqy jarnama nysandaryna 60 taqyryptyq bılbordtar ornatylady. Megapolıstiń ortalyq kósheleri: ál-Farabı dańǵyly, Fýrmanov kóshesi men Shyǵys aınalma tas joly jaryqdıodty kronshteındermen, arkalarmen bezendiriledi. Kishi arhıtektýralyq formalar Respýblıka jáne Astana alańdaryna, QR Tuńǵysh Prezıdentiniń saıabaǵyna ornatylady.
22 naýryz kúni saǵat 15.00-de Ó. Joldasbekov atyndaǵy Stýdentter saraıynda jaqyn jáne alys shetel aqyndarynyń qatysýymen «Myń jasaǵan shahar» atty Halyqaralyq aqyndar aıtysy ótedi.
