Almatyda Naýryz merekesine arnalǵan otandyq kınofılmderdiń qaıyrymdylyq kórsetilimderi bastaldy
ALMATY. 20 naýryz. QazAqparat - Búgin Almaty kınoteatrlarynda otandyq kınofılmderdiń qaıyrymdylyq kórsetilimderi bastaldy. Atalmysh shara Naýryz merekesine arnalǵan.
Almatylyqtar men qala qonaqtary qala kınoteatrlarynda «Nesıege mahabbat», «Tıýlpan», «Sekiris», «Jeruıyq», "Meniń balalyq shaǵymnyń aspany", «Báıterek», «Skaz o rozovom zaıtse», «Oıpyrmaı ılı dorogıe moı detı», «Seker» fılmderin tamashalaı alady. Fılmder qazaq jáne orys tilderinde. Kirýi tegin.
Sharanyń uıymdastyrýshylary - Almaty qalasy mádenıet basqarmasy, Sh.Aımanov atyndaǵy "Qazaqfılm" kınostýdııasy men qala kınoteatrlary.
