Almatyda naýryz aıynyń sońǵy on kúni jaýyn-shashyndy bolady – Qazgıdromet
ALMATY. QazAqparat - Almatyda naýryz aıynyń sońǵy on kúni jyly jáne jaýyn-shashyndy bolady. Qazgıdromet naýryz aıyna konsýltatıvtik boljam jasady, dep habarlaıdy QazAqparat tilshisi.
Sınoptıkterdiń boljamynsha, kóktemniń alǵashqy aıyndaǵy ortasha temperatýra +5 gradýs bolady, bul klımattyq normadan 2 gradýsqa joǵary.
«Birinshi onkúndikte túnde aýa temperatýrasynyń aýytqýy boldy -3-8°S-tan -3+2°S-qa deıin, kúndiz +4+9°S-tan +9+14°S-qa deıin.
Ekinshi onkúndikte aýa temperatýrasynyń joǵarylaýy boljanýda túnde -3+2°S-tan +2+7°S-qa deıin, kúndiz +9+14°S-tan +14+19°S-qa deıin. Keıin aýa temperatýrasy túnde -7-12°S, kúndiz +4+9°S deıin tómendeıdi.
Úshinshi onkúndikte aýa temperatýrasynyń joǵarylaýy kútilýde túnde -2+3°S, kúndiz +12+17°S deıin. Sodan keıin temperatýra tómendeıdi túnde -2-7°S, kúndiz +7+12°C deıin tómendeıdi», - dedi «Qazgıdromet» RMK Almaty qalasy boıynsha fılıalynyń meteorologııalyq boljamdar bóliminiń basshysy Dáýlet Qısebaev.
Almatyda naýryz aıynyń sońynda kún jylynady. Aýa temperatýrasy túnde +1+6°S, kúndiz +13+18°S deıin kóteriledi.
«Osy aıdaǵy jaýyn-shashyn normaǵa sáıkes bolady dep kútilýde (norma: 76 mm). Keı kúnderi jel soǵady, onyń ekpini 15-20 m/s. Naýryz aıynda jıi tuman túsedi. Jalpy, kóktemniń alǵashqy aıy jyly jáne jaýyn- shashyndy bolady dep kútilýde», - dep qorytyndylady «Qazgıdromet» RMK ókili.
