Almatyda naýqastarmen baılanysta bolǵan 2 adamnan koronavırýs anyqtaldy
ALMATY. QazAqparat –Almaty qalasy Taýarlar men qyzmetterdiń sapasyn baqylaý departamentiniń basshysy Aızat Moldaqasymova koronavırýske shaldyǵýdyń jańadan anyqtalǵan jaǵdaılary týraly aıtty, dep habarlaıdy QazAqparat tilshisi.
Aıta keteıik, 9 sáýirdiń osy ýaqytyna deıin Qazaqstanda indetti jańadan juqtyrǵan 37 adam tirkeldi. Onyń ishinde 2 adam Almaty qalasynda anyqtaldy.
«Koronavırýs juqtyrǵan sońǵy 2 naýqasqa keler bolsaq, bir adam Sankt-Peterbýrgten kelgen naýqaspen baılanysta bolǵan. Ekinshisi de aýyrǵan adammen qarym-qatynas jasaǵan. Búgingi kúni qalada statsıonarlyq karantınde 877 naýqas, úıdegi karantınde 5 217 adam bar. Juqpaly aýrýlar aýrýhanasynda 211 adam, provızorlyq statsıonarda 301 adam, karantın gospıtalinde 388 adam jatyr», - dedi Aızat Moldaqasymova onlaın-brıfıng barysynda.
Sonymen qatar, ol Almatyda karantın rejımi engizilgennen beri koronavırýsty juqtyrý sany tómendegenin atap ótti.
Sońǵy resmı derekterge sáıkes, Almatyda COVID-19 juqtyrǵandardyń sany - 121.
