Almatyda naýqastardyń 44%-y koronavırýsty kásiporyndarda juqtyrǵan
« Almatyda vırýs juqtyrǵandardyń 33%-y 65 jastan asqan adamdar qurap otyr, sondyqtan egde jastaǵylar arasynda ólim joǵary. Bul indetke qarsy dári men vaktsına áli joq. Keıbir derekter boıynsha vırýs mýtatsııaǵa ushyraǵan. Sondyqtan qart kisilerdi úıde otyrýǵa shaqyramyz», – deıdi Erjan Babaqumarov.
Onyń aıtýynsha, naýqastardyń 44 paıyzy indetti kásiporyndar men mekemede juqtyrǵan.
« Bul jaǵdaıda maska rejımin saqtap, jeke bastyń gıgıenasyna nazar aýdarý qajet. Oǵan qosa mekeme basshylary da sanıtarlyq-epıdemıalogııalyq talaptardy ustanyp, vırýs juqtyrǵan qyzmetkerlerin jumysqa jibermeýleri kerek», – deıdi ol.
Almaty ákimi orynbasarynyń aıtýynsha, naýqastardyń 18% -y vırýsty úıdiń kireberisinde juqtyrǵan.
«Sol sebepti páter ıeleri kooperatıvteri ár úıdiń kireberisine dezınfektsııa jasaýy qajet. Bul jumystar vırýs juqtyrmas úshin kerek. Qazirgi tańda vırýs juqtyrǵandardyń 18 paıyzy úıdiń kireberisi men lıftide juqtyrǵany anyqtaldy. Esik tutqalary men qorshaýlardy kúnine birneshe ret óńdep otyrý kerek. Sanıtarlyq-gıgıenalyq rejımdi ustanǵan jón», – dep atap ótti E. Babaqumarov.