Almatyda «naýqas» balanyń emine aqsha jınaǵan eki qyz ustaldy

NUR-SULTAN. QazAqparat - Almatyda «naýqas» balanyń emine aqsha jınaǵan eki qyz usaldy, dep habarlaıdy Polisia.kz.

22 jáne 23 jastaǵy qyzdar áleýmettik jeli arqyly alaıaqtyq jasady degen kúdikpen ustaldy.

Barlyǵy belgili blogerdiń alaıaqtyq týraly Áýezov aýdandyq polıtsııasyna aryzdanýynan bastaldy. Onyń aıtýynsha, eki boıjetken naýqas balaǵa kómek suraı otyryp, qoldan jasalǵan qujattardy paıdalanyp, paraqshasyna post jarııalaýǵa kóndirgen. Blogerdiń úlken aýdıtorııasy janashyrlyq tanytyp, kómekke shaqyrýdy nazardan tys qaldyrmaı, belsendi túrde qarajat aýdara bastaıdy.
– Qabyldanǵan sharalardyń qorytyndysy boıynsha osy qylmysqa kúdiktiler anyqtaldy jáne ustaldy. Olar — Aqmola oblysynyń turǵyndary. Alǵashqy jaýap alýda qyzdar óz is-áreketterin moıyndady. Atalǵan derek boıynsha tergeý amaldary júrgizilýde, – dedi Áýezov aýdandyq PB-na qarasty polıtsııa bólimi bastyǵynyń orynbasary Tımýr Mýlınov.
Kúdiktilerdiń biri sportshy, taekvandomen aınalysqan. Buryn onyń zańmen máseleleri bolǵan jáne urlyq úshin jaýapqa tartylǵan. Onyń qurbysy S. esimdi azamatsha – manıkıýr jasaý sheberi. Qazir tergeýshiler bul derekten basqa da epızodtar bar-joǵyn anyqtap jatyr.

Foto: polisia.kz