Almatyda naýqas anasy úshin mıllıondap aqsha urlaǵan esepshi sottaldy
ALMATY. QazAqparat - Almatyda mıllıondap aqsha jymqyrǵan esepshi sottaldy, dep habarlaıdy QazAqparat tilshisi.
Almaly aýdandyq sotynyń sýdıasy sottalýshyny QR QK-niń 189-baby 4-bóligimen aıypty dep tanyp, 3 jyl 4 aıǵa bas bostandyǵynan aıyrýǵa úkim etti.
Іs materıaldaryna sáıkes, áıel «EFK» aktsıonerlik qoǵamynda esepshi bolyp jumys istep júrgen kezinde 91 094 472 teńge bolatyn korporatıvtik tabys salyǵyn ádeıi 257 397 508 teńgege deıin ósirip kórsetken. Keıin aradaǵy aıyrmashylyqty óz qaltasyna basyp qalǵan.
Budan bólek, 2016 jyly bıýdjetke tólenetin mindetti salyq pen basqa da tólemderdi ári kompanııa qajettilikterin jeleý etip, óz kartasyna taǵy 166 036 908 teńge aýdarǵan.
Sot protsesinde sottalýshy óz kinásin tolyǵymen moıyndady. Ol mundaı qadamǵa óziniń naýqas anasyn emdeý úshin barǵanyn aıtty.
