Almatyda Natalıa Slekıshınanyń úkimi keıinge qaldyryldy
ALMATY. QazAqparat - Almatyda №1 tergeý oqshaýlaǵyshynda sottalýshy Natalıa Slekshınanyń úkimin atqarýdy keıinge qaldyrý ótinishi qaraldy, dep habarlaıdy «QazAqparat» HAA tilshisi.
Ótinishti Almaty oblysy, Іle aýdandyq sotynyń tóraǵasy qarady. Ótinish QR QK 74 baby negizinde (jas balalary bar áıelderdiń jazasyn keıinge qaldyrý) qaraldy.
Natalıa Slekıshına sottan 8 aı buryn túrmeniń qabyrǵasynda dúnıege kelgen kishi qyzy kámelet jasqa tolǵannan keıin jazasyn óteýdi suraǵan. Sondaı-aq, áıeldiń kámelettik jasqa tolmaǵan eki balasy bar. Onyń aıtýynsha, balalaryn ájesi tárbıeleýde.
Slekıshınanyń aıtýynsha, eger sot jazasyn óteýdi keıinge qaldyrsa, olar qurbysynń úıinde turatyn bolady. Qazir kishi qyzynyń eki ókpesi qabynǵan. Jaqynda ǵana aýrýhanada emdeldi. Natalıa Slekıshına urlyq jasaǵany úshin 8 jylǵa sottalyp, 2015 jyldyń aqpan aıynda qamaldy.
«Sottyń sheshimimen jazasyn keıin óteý týraly ótinish jartylaı qanaǵattandyryldy. Almaty qalasy Alataý aýdandyq sotynyń 2015 jylǵy 23 mamyrdaǵy sheshimi boıynsha 2016 jyly týǵan jas balasynyń bolýyna oraı Slekıshınanyń jazasy - 5 jyl merzimge keıinge qaldyryldy. Sottalýshy Slekıshına qatań baqylaýǵa alynady. Jazalanýshynyń tártibin qadaǵalaý Almaty qalalyq ishki ister organyna júkteldi», - dep habarlaıdy Almaty oblystyq sotynyń baspasóz qyzmeti.
Aıta keteıik, qamaýda jatqan Natalıa Slekıshına kolonııa qyzmetkerleri tarapynan zorlanǵan soń qyz bosanyp alǵanyn málimdegen bolatyn. Áıel azamatsha ózin zorlaǵandardyń júktiligin jasyryp, zorlaý áreketin jaýyp tastaýǵa umtyldy dep málimdegen edi. Saraptama - qylmystyq iske qatysty azamattardyń biriniń zorlanǵan áıeldiń tuqymynyń ákesi ekendigin ekendigin rastady.
Áıel osyǵan deıin óziniń tergeý abaqtysynda qamaýda jatqan kezinde zorlaǵandyǵyn málimdegen bolatyn. Ol Almaty QAJD-niń LA-155/18 mekemesiniń 4 qyzmetkeriniń qylmys jasaǵandyǵyn aıtty. Hakımovtyń 3 áriptesi kúdiktiden kýágerge aýystyryldy. 2016 jyldyń 30 qyrkúıegi kúni qylmys jasady dep kúdik keltirilgen Almaty qalasynyń QAJD-niń LA-155/18 mekemesiniń kúzetshisi Rýslan Hakımovty múlkin tárkilep, 9 jylyn jalpy rejıdegi kolonııada ótkizý jónindegi úkim shyǵaryldy.
Sondaı-aq ol ádilet maıory laýazymynan aıyrylyp, memlekettik qyzmette ómir boıyna jumys isteı almaıtyn boldy. Oǵan óltiremin dep qorqytyp, asa qataldyqpen áıel zorlady, qyzmet babyn asyra paıdalandy, birneshe márte zorlyq-zombylyq kórsetti degen aıyp taǵyldy.
