Almatyda násildik kemsitýshilik týraly dóńgelek ústel jıyny ótti
MATY. 24 qarasha. QazAqparat /Erlik Erjanuly/ - BUU-nyń násildik kemsitýdi joıý jónindegi usynystaryn Qazaqstan Respýblıkasynyń Úkimeti de kezeń-kezeńimen júzege asyryp keledi. Bul búgin Almatyda ótken «Islam dini násildik kemsitýdiń barlyq túrine qarsy» dep atalatyn dóńgelek ústel májilisinde aıtyldy.
Ony Almaty qalalyq ishki saıasat basqarmasynyń qoldaýymen Ulttyq jýrnalıstik zertteý ortalyǵy, Ál-Farabı atyndaǵy QazUÝ Fılosofııa jáne saıasattaný fakýltetiniń «Ál-Farabı» ǵylymı-zertteý ortalyǵy men «Dintanýlyq zertteýler jáne ekspertıza» ortalyǵy uıymdastyrdy. Damýdyń órkenıetti jolyn tańdaǵan Qazaqstan - Birikken ulttar uıymynyń (BUU) Násildik kemsitýdiń barlyq nysandaryn joıý týraly halyqaralyq konventsııasyna qol qoıǵan memleketterdiń biri sanalady. BUU-nyń Násildik kemsitýdi joıý jónindegi komıteti Qazaqstannyń bul baǵyttaǵy júzege asyryp jatqan jumysy týraly BUU-nyń sessııasynda júıeli túrde jasap júrgen esebine oń baǵasyn berip júr. Halyqaralyq uıymnyń sarapshylary Qazaqstanda ártúrli etnostyq toptar men konfessııalardyń beıbit jaǵdaıda qatar ómir súrýine qajetti jaǵdaılardyń jasalǵanyn joǵary baǵalaýda. Alaıda barlyq másele túgel sheshilip bitti deýge bolmaıdy. Jahandaný jaǵdaıynda qazir álemde násildik kemsitýdiń jańa qyrlary kórinis berýde. Sondyqtan, bul máseleni árdaıym zerdelep-zerttep, basty basymdyq retinde ustaý áli kókeıkesti másele bolyp qalýda. Bul másele saıasatkerler, qoǵam qaıratkerleri jáne ártúrli din ókilderi qatysqan bul alqaly basqosýda arnaıy talqylanyp otyr.
