Almatyda nárestege talasqan ógeı sheshe men balany týǵan anaǵa tatýlasý úshin sot bir apta ýaqyt berdi
ALMATY. QazAqparat - Almatyda asyrap alǵan balasynyń týǵan sheshesimen sottasyp jatqan Gúljan Qılybaevaǵa sot ózara kelisimge kelip, tatýlasý týraly usynys aıtty, dep habarlaıdy QazAqparat tilshisi.
«Sot bala bolashaqta kimmen ómir súretinin anyqtaý úshin ony asyrap alǵan adam men týǵan sheshesi arasynda ózara kelisimge kelý úshin oılanýǵa bir apta merzim berdi. Eger taraptar ózara kelisimge kelse, sot isti toqtatady», - dedi qalalyq sottyń baspasóz qyzmetinde.
Sottyń habarlaýynsha, atalǵan iske qatysty kelesi tyńdaý 28 aqpan kúni jabyq rejimde ótedi.
Eske sala keteıik, almatylyq Gúljan Qılybaeva asyrap alǵan balasyn alyp qalý úshin onyń týǵan anasymen sottasyp jatyr. Balanyń týǵan anasy ony eki jyl buryn perzenthanada qaldyryp ketken, alaıda eki jyl ótkennen keıin, balasyn qaıtaryp alǵysy keletinin jarııalaǵan.
