Almatyda nannyń baǵasy turaqty - ákimdik
ALMATY. QazAqparat - Almaty qalasynyń naýbaıhanalarynda áleýmettik nan óndirý úshin un qorynyń jetkilikti mólsheri bar. Bul týraly Almaty qalasynyń kásipkerlik jáne ınvestıtsııalar basqarmasy málim etti, dep habarlaıdy QazAqparat tilshisi.
«Nan baǵasynyń ósýine jol bermeý úshin «Azyq-túlik kelisim shart korporatsııasy» qorynan 38 myń tonna sýbsıdııalanǵan astyq jetkizilýde (quny tonnasyna 90 myń teńge). Búginde «Aqsaı nan», «Almatydan» jáne «Rýzınan» naýbaıhanalaryna astyq jetkizildi», - dep málimdedi basqarmada.
Basqarmanyń málimetinshe, megapolıske aı saıyn 4 myń tonnadan astam astyq jetkizilip otyr.
«Sýbsıdııalanǵan astyq esebinen qalanyń nan-toqash kombınattary iri saýda jelilerinde nannyń baǵasyn bir bólke úshin 80 teńge jáne «úı janynda» dúkenderinde bir bólke úshin 90 teńge baǵasyn bekitti», - dep naqtylady Almaty qalasynyń kásipkerlik jáne ınvestıtsııalar basqarmasynda.
Esterińizge salaıyq, búgin QR Aýyl sharýashylyǵy birinshi vıtse-mınıstri Aıdarbek Saparov elimizde eshqandaı astyq tapshylyǵy joq jáne jetkilikti mólsherde astyq bar ekenin málimdedi.
