Almatyda nan satyp alýǵa shekteý qoıyldy

ALMATY. QazAqparat - Almatyda nan satyp alýǵa shekteý qoıyldy, dep habarlaıdy QazAqparat tilshisi.

Almaty qalalyq kásipkerlik jáne ınvestıtsııalar basqarmasy túsindirgendeı, qazirgi ýaqytta nan shyǵaratyn zaýyt dúkenderinde nan satýǵa shekteý qoıyldy.

Bir adamǵa bes bólkeden artyq satylmaıdy.

«Keıbir alypsatarlar tańerteńgi ýaqytta barlyq nan ónimderin satyp alǵan. Ary qaraı ústine aqsha qosyp satý úshin osylaı isteıdi. Desek te, «Aqsaı» nan zaýyty» JShS áleýmettik bólkeniń sanyn azaıtqan joq. Zaýyt qala dúkenderin nanmen tolyq qamtamasyz etip otyr» dep habarlady basqarmadan.

Almaty qalalyq kásipkerlik jáne ınvestıtsııalar basqarmasy atap ótkendeı, ákimdik pen «Aqsaı» nan zaýyty» JShS arasynda buryn jasalǵan kelisimshart bar.

Onda bir bólkeniń baǵasy 75 teńge dep bekitilgen.