Almatyda N.Tilendıev atyndaǵy II respýblıkalyq dırıjerler konkýrsy ótedi
ASTANA. 29 sáýir. QazAqparat - 2-5 mamyr aralyǵynda Almaty qalasyndaǵy Jambyl atyndaǵy Qazaq memlekettik fılarmonııasynda Nurǵısa Tilendıev atyndaǵy II Respýblıkalyq dırıjerler konkýrsy ótedi, dep habarlady QR Mádenıet jáne aqparat mınıstrliginiń baspasóz qyzmeti.
Konkýrs quryltaıshysy - Qazaqstan Respýblıkasynyń Mádenıet jáne aqparat mınıstrligi.
Qazaq dırıjerlik mektebiniń dástúrin saqtap ári qaraı damytý, dırıjerlyq óner aıasynda jas talantty anyqtaý jáne olardyń sheberlikterin shyńdaýǵa múmkindik jasaý, ulttyq mádenıetimizdiń qundylyqtaryn jańǵyrtyp, jastardy patrıottylyqqa tárbıeleý, N. Tilendıevtiń qaldyrǵan óshpes muralaryn jańǵyrtýǵa arnalǵan konkýrsty jyl saıyn uıymdastyrý dástúrge aınalǵan.
Konkýrsqa elimizdiń barlyq oblystarynan JOO stýdentteri men dırıjerleri qatysady.
Nurǵısa Tilendıev atyndaǵy II respýblıkalyq dırıjerlar konkýrsynyń qazylar alqasy: QR eńbek sińirgen ártisi Aıtqalı Jaıymov, QR eńbek sińirgen qaıratkeri Janas Bekenturov, Dinzýhra Tilendıeva, Álı Alpysbaev, halyqaralyq konkýrstardyń laýreattary - Aıdar Abjahanov jáne Muhtar Qaldaıaqov.
Konkýrs eki kezeń boıynsha ótkiziledi. І jáne ІІ kezeńderde qatysýshylar berilgen shyǵarmalardy N. Tilendıev atyndaǵy «Otyrar sazy» Qazaq memlekettik akademııalyq folklorlyq-etnografııalyq halyq aspaptary orkestri jáne Jambyl atyndaǵy Qazaq memlekettik fılormonııasynyń memlekettik akademııalyq sımfonııalyq orkestrleriniń súıemeldeýimen oryndaıdy.
Konkýrs jeńimpazdaryn marapattaý rásimi jáne Gala-kontsert 5 mamyrda ótpek.
