Almatyda «Mysl» jýrnalynyń 90 jyldyǵyna arnalǵan shara uıymdastyryldy
Y. Qyrkúıektiń 30-y. QazAqparat /Erbol Azanbek/ - Búgin ál-Farabı atyndaǵy QazUÝ-da «Mysl» jýrnalynyń 90 jyldyǵyna arnalǵan «Qazaqstandyq qoǵamdaǵy aqparattyq úrdister: qoǵamdyq-saıası baspasózdiń qalyptasýy men damýy» atty halyqaralyq ǵylymı-tájirıbelik konferentsııa ótti.
1992 jyldan bastap «Mysl» atymen shyǵa bastaǵan jýrnaldyń tarıhy 1920 jyldyń qyrkúıek aıynan bastalady. Eń alǵash «Qazaqstan Bolshevıgi» degen ataýmen shyqqan jýrnal óziniń 90 jyldyq tarıhynda «Qazaqstan kommýnısi», «Qazaqstannyń partııalyq ómiri» attarymen jaryq kórip turdy. Myńǵa jýyq nómiri shyǵyp, 20 myńnan astam materıaldar jaryq kórgen jýrnaldy ár jyldary F.A.Savınskıı, M.F.Jýlanov, B.A.Býchkın, A.Hafızov, V.S.Molotov, F.P.Boıarskıı, A.M.Logınov, F.P.Mıhaılov, A.I.Artemev, G.M.Shestakov, A.S.Qalmyrzaev syndy qarymdy qalamgerler basqardy. Qazirgi tańda Seıdahmet Quttyqadam basqaratyn jýrnal «Qazaq gazetteri» JShS-niń quramynda, orys tilinde, aıyna 2500 danamen jaryq kóredi. Negizinen saıası, áleýmettik, ekonomıkalyq, mádenı salalardaǵy úderister baǵytynda tyń zerteý maqalalarymen erekshelenedi.
Konferentsııa barysynda belgili ǵalymdar, jýrnalıster, jýrnalıstıka ardagerleriniń Qazaqstandaǵy qoǵamdyq-saıası baspasózdiń qalyptasýy, erekshelikteri, bolashaǵy týraly baıandamalary tyńdaldy. Bolashaqta materıaldar arnaıy jınaq bolyp jaryq kórmek.
