Almatyda «Myńjylqy» jańa kempıng-aımaǵy ashyldy
ALMATY. QazAqparat- «Myńjylqy» kempıng-aımaǵy – taý demalysyn, trekıngti, haıkıngti jáne serýendeýdi unatatyndarǵa arnalǵan jazǵy lager, dep habarlaıdy QazAqparat tilshisi.
Týrısterdiń jaıly ári qaýipsiz demalýy úshin shatyrlar, oryndyqtary bar ústelder jáne ulttyq stıldegi «altybaqan» átkenshekteri ornatyldy.
Týrısterdi tartýdyń jańa núktesi Kishi Almaty ózeniniń bastaýynda teńiz deńgeıinen 3100 metr bıiktikte ornalasqan. Mańaıynda Mánshúk Mámetova atyndaǵy kól men Amangeldi shyńy bar.
«Biz týrıster úshin jańa avtobýs baǵyttaryn qurý boıynsha jumys istep jatyrmyz. Árbir kempıngtiń orny taqyryby men sıpatyna sáıkes keletin ózindik biregeı dızaıny bar. Kempıng aımaqtary týraly barlyq aqparat karta platformalaryna, sonyń ishinde 2GIS-ke qosylady», - dedi Almaty qalasy Týrızm basqarmasynyń basshysy Ǵalııa Toqseıitova.
«Myńjylqy» - Almaty qalasy Týrızm basqarmasy ashqan toǵyzynshy kempıng aımaq. Bıyl jyl sońyna deıin týrıstik ınfraqurylymdy damytý aıasynda ÚAK-da kempıng aımaq qurylady.
Aıta keteıik, osy jyldyń shilde aıynda megapolıste «Aqbulaq» kempıng aımaǵy ashylǵan bolatyn.
