Almatyda myńnan asa mas júrgizýshi ustaldy
ALMATY. QazAqparat – Almatyda 1 200-den astam júrgizýshi mas kúıinde kólik quralyn basqarǵany úshin ustaldy. Bul týraly Almaty Polıtsııa departamentiniń baspasóz qyzmeti málim etti, dep habarlaıdy QazAqparat tilshisi.
Qalalyq polıtsııanyń málimetinshe, jyl basynan beri shahardyń joldarynda alkogoldik nemese esirtkilik masań kúıde kólik quralyn basqarǵan 1 223 júrgizýshi ustalǵan. Anyqtalǵandaı, olardyń 228-i buryn kólik quralyn basqarý quqyǵynan aıyrylǵanandar.
«Ókinishke qaraı, «Mas adam rólde otyrýy – qylmys» aksıomasy ózderin mas kúıinde basqarýǵa ruqsat beretin keıbir júrgizýshilerge qatysty. Olardyń júrgizýshilik tártibi, árıne, jaqsy jaǵyn oılaýǵa shaqyrady. Alaıda, bul qylmys. Adamdardyń ómiri men densaýlyǵyna shyǵyn keltiredi. Osyǵan oraı, mas kúıinde kólik júrgizetin adamdardy anyqtaýǵa baǵyttalǵan kúndelikti reıdter ótkizilýde. Patrýldik polıtsııa polkiniń jeke quramy jáne ákimshilik polıtsııasynyń mamandandyrylǵan batalony negizinen osy jumysqa baǵyttalǵan», – dedi Almaty qalalyq Polıtsııa departamenti jergilikti polıtsııa qyzmeti basqarmasynyń bastyǵy Manap Sattarov.
Sonymen qatar, polıtsııa joldyń qatelikterdi keshirmeıtinin eske salyp, jol qozǵalysynyń barlyq qatysýshylaryn jol erejelerin qatań saqtaýǵa shaqyrdy.
