Almatyda «Mýzeı túni» aktsııasy ótedi
ALMATY. QazAqparat - Halyqaralyq mýzeıler kúnine oraı Almatyda «Mýzeı túni» onlaın aktsııasy ótedi, dep habarlaıdy QazAqparat tilshisi.
Halyqaralyq mýzeıler kúnine oraı 18 mamyrda Almaty qalasy Mádenıet basqarmasyna qarasty «Almaty qalasy mýzeıler birlestigi» KMQK Almaty mýzeıi, Yqylas atyndaǵy halyq mýzykalyq aspaptar mýzeıi, S. Muqanov pen Ǵ. Músirepovtiń ádebı-memorıaldy mýzeı kesheni, D. A. Qonaev mýzeıi, Mýltımedııalyq dástúrli mýzyka ortalyǵy, N. Tilendıevtiń memorıaldy mýzeılerinde «Mýzeı túni» onlaın aktsııasyn ótkizedi.
Eń alǵashqy «Mýzeı túni» 1997 jyly Berlınde ótti. Bul ıdeıa kórshi memleketterdiń de qyzyǵýshylyǵyn oıatyp, kelesi jyldary kóptegen eýropa memleketteri mýzeıleri ashyq mýzeı túnderin uıymdastyrdy. Qazirgi tańda atalǵan mádenı shara álemniń 150-den astam elde ótkiziledi.
Bıylǵy karantın jaǵdaıyna sáıkes, mýzeıler aktsııany onlaın formatta ótedi.
«Mýzeı túni» aktsııasy – Almatynyń mádenı ómirindegi mańyzdy sharalardyń birine aınaldy. Osyǵan baılanysty «Almaty qalasy mýzeıler birlestigi» KMKQ mýzeıleri taqyryptyq kórmeler, sheberlik sabaqtary, kvest, baıqaýlar, kontserttik baǵdarlamalar, teatrlanǵan qoıylymdar kiretin arnaıy mádenı-tanymdyq baǵdarlamalaryn daıyndady.
Almaty mýzeıi baǵdarlamasynda:
18.00-19.00 - @almatymuseums ınstagram paraqshasynda Almaty qalasynyń tarıhy týraly vıktorınalyq suraq-jaýap oıyny
19.00-20.00 - Mýzeı zaldary boıynsha 3 tilde sholý ekskýrsııalary (tikeleı efır)
20.00-21.00 - M. Maqataevtyń 90 jyldyǵy aıasynda oblystyq M. Maqataevtyń ádebı-memorıaldy murajaıymen birlesken jyljymaly kórme (tikeleı efır)
21.00-21.30 - O. Tańsyqbaev atyndaǵy sándik-qoldanbaly óner kolledji stýdentteriniń, sheberleriniń qatysýymen qysh qumyra jasaýdan onlaın master-klasy
21.30-22.00 - M. Maqataevtyń 90 jyldyǵyna arnalǵan aqyn, QR Jazýshylar odaǵynyń múshesi, Halyqaralyq «Alash» ádebı syılyǵynyń laýreaty Baqyt Bedelhan jáne 3 jasar búldirshin Yrysaldy Saıanyń Muqaǵalı óleńderin oqýy
Yqylas atyndaǵy halyq mýzykalyq aspaptar mýzeıi:
19.00 – 19.15 - Qazaq halqynyń ulttyq mýzykalyq aspaptary – dombyra, qobyz jáne jetigen aspaptaryn jasaý tehnologııasy kórsetiledi.
19.15 – 20.30 - Kontsert barysynda dástúrli mýzykalyq óner ókilderi men J. Elebekov atyndaǵy estrada jáne tsırk kolledjiniń stýdentteri óner kórsetedi.
20.30 – 21.30 - Mýzeıdiń áleýmettik jelilerinde mýzykalyq aspaptarǵa qatysty jumbaqtar, rebýstar, «4 sýret 1 sóz» jáne t.b. oıyndar oınatý.
21.00 – 22.00 - Aldyn-ala uıymdastyrylǵan konkýrs qatysýshylary arasynan mýzeı eksponatymen túsken úzdik selfı ıelerin anyqtaý.
D.A. Qonaev mýzeıi:
18.00-19.00 - Mýzeı boıynsha onlaın-ekskýrsııa
19.00-20.00 - Mýzeıdiń áleýmettik jelilerinde D.A. Qonaevtyń ómiri jaıly derekti fılmniń kórsetilimi
20.00-22.00 - D.A. Qonaevtyń qyzmettesterimen tikeleı efır
S. Muqanov pen Ǵ. Músirepovtiń ádebı-memorıaldyq mýzeı kesheni:
18.00 – 19.00 - qyryq jyldan asa halyqqa qyzmet kórsetip kele jatqan qazaq ádebıetiniń qos alyby – S.Muqanov pen Ǵabıt Músirepovtiń mýzeı-úıi, tutynǵan zattary, jeke kitaphanasy jaıly áserli áńgime aıtylady, HH ǵasyrdaǵy qazaq ádebıeti týraly maǵlumat beriledi.
19.00 – 20.00- Onlaın ekskýrsııa (Instagram paraqshasynda). Almaty oblysy Qapal aýdanyndaǵy aqyn Sara Tastambekqyzynyń (1853–1907) memorıaldy mýzeıiniń tyńdarmandaryna S.Muqanov pen Ǵabıt Músirepovtiń ádebı-memorıaldyq mýzeı-úılerinen onlaın ekskýrsııa júrgiziledi.
20.00-21.00 - «Bóstek» taqyrybynda onlaın-ekskýrsııa. Onda S.Muqanovqa syıǵa berilgen aıýdyń terisi (1960) týraly baıandalady.
N. Tilendıevtiń memorıaldy mýzeıi:
18.00 – 19.00 – mýzeıde qonaqta ánshi Baǵlan Ábdiraıymov pen aktrısa Maqpal Qasymova.
19.00 – 20.00 - Qazaqstannyń eńbek sińirgen qaıratkeri Mádına Sádýaqasova mýzeıde qonaqta;
20.00-21.00 - mýzeıde qonaqta ánshi Ǵazızhan Shekerbekov pen Maqsat Rahmet.
21.00-22.00 – mýzeıde qonaqta Azamat Satybaldy, Áset Imanǵalıev pen aktrısa Gúlbahram Baıbosynova.
Mýltımedııalyq dástúrli mýzyka ortalyǵy:
19.00 – 19.30 - «Ǵasyrlar úni» atty dástúrli ánshilerdiń gala-kontserti «Alataý» etno-folklorlyq toby, «Alataý serileri» jáne t.b.
19.30 – 20.00 - «Bala Jambyl», «Bala Muqaǵalı» atty teatrlandyrylǵan ınteraktıvti ekskýrsııa. №196 mekteptiń oqýshylary Beknazar Yntymaq pen Beknazar Raıymbektiń Jambyl Jabaev pen Muqaǵalı Maqataevtyń balalyq shaǵyn beınelep, olardyń tanymal óleńderin mánerlep oqıdy.
20.00 – 20.30 - Halyqaralyq, respýblıkalyq konkýrstardyń laýreaty, «Men qazaqpyn» mega jobasynyń bas júldegeri Raýan Abilbaev (tikeleı efır)
21.00 – 21.30 - J. Elebekov atyndaǵy Respýblıkalyq estrada jáne tsırk kolledji men T. Júrgenov atyndaǵy óner akademııasynyń stýdentteriniń arasynda ótedi.
21.30 – 22.00 - «Qaıta jańǵyrǵan kóne saz» jáne «Qobyz-kóneniń kózi» atty sheber-synyby uıymdastyrylady.
