Almatyda mýzeı eksponattarynyń shokoladtan jasalǵan kóshirmesi paıda bolady (FOTO)
ALMATY. QazAqparat - Almatyda Ortalyq memlekettik mýzeıde Nikolya shokolad mýzeıiniń kórmesi ótedi. Qalalyqtardyń nazaryna 250-den astam tátti eksponat usynylady.
Erekshe kórmeniń avtory Nıkolaı Popov Qazaqstanǵa arnalǵan qolóner buıymdaryn ákelgen.
Ásirese, kórmede memlekettik mýzeıde turǵan keıbir tarıhı eksponattardyń shokoladtan jasalǵan kóshirmesi paıda bolady. Atap aıtqanda, ulttyq áshekeı buıymdary, kıim, bas kıim túrleri bolýy múmkin.
Birinshi kelip bılet satyp alǵan 1000 adamǵa tátti eksponat syıǵa tartylady.
«Shokolad tek jeıtin nárse ǵana emes, ol adamnyń kóz jaýyn alatyn óner týyndysy. Osy oımen Sımferopolda shokolad tarıhyna arnalǵan mýzeı ashtyq. Al, álemdik týrne ótkizý ıdeıasy maǵan qatty unady. Óıtkeni, onyń óz qyzyqtary men qıynshylyqtary bar. Shokolad jolda eziledi, synady. Odan túrli zat jasaýǵa bolady. Ol metall, aǵash, nemese basqa materıaldarǵa aınala alady», - dedi Nıkolaı Popov.
Shokoladtan buıym jasaýshy sheberler Ońtústik Astanaǵa Sımferopoldan kelipti. Avtorlyq kórme buǵan deıin 40 elde kórsetilgen eken.
Kórme 22 qyrkúıekte ashylady.
Mádenı sharada Almaty turǵyndary buıymdardy tamashalaýdan bólek sheberlik synyptaryna qatysa alady.
