Almatyda muz kóshkini júrý qaýpi saqtalady
ALMATY. QazAqparat - Almatylyqtarǵa muz kóshkini týraly eskertý jasaldy, dep habarlaıdy QazAqparat tilshisi.
Qalalyq Tótenshe jaǵdaılar departamentiniń baspasóz qyzmeti taratqan málimetike sáıkes, aldaǵy táýlikterde Almaty ózenderiniń arnalaryna jaqyn jerde muzdy sý tasqyny, muz kóshý qaýpi saqtalady.
«Aýa temperatýrasynyń tómendeýine baılanysty ózenderde muz qabattary paıda bola bastaıdy. Uzaq ýaqytqa sozylǵan aıaz nemese kenetten jylyný saldary muz kóshkinine ákelýi múmkin. Jaqyn kúnderi muz kóshkininiń júrý qaýpi saqtalady. Almaty qalasynyń turǵyndary men qonaqtaryna Qarǵaly, Aqsaı, Úlken jáne Kishi Almaty jáne taǵy basqa ózen arnalarynan alys bolýǵa shaqyramyz», - delingen habarlamada.
Sondaı-aq ınjenerlik-ınspektorlyq quram qalanyń sý aıdyndary men ózen arnalaryna monıtorıng júrgizýde. Áýejaı, Qaırat, Shestýha kólderinde demalýshylar anyqtalǵan joq. Bul baǵytta jumys barlyq aýdandarda júrgiziledi.
Almaty qalasynyń aýmaǵynda qys mezgilinde qaýip tóndiretin 10 sý aıdyny bar.
Eske salaıyq, 13 jeltoqsan kúni Almatyda aýa temperatýrasynyń aýytqýyna baılanysty muz kóship, Esentaı ózeniniń jaǵalaýyndaǵy qorshaýdy buzyp ketken bolatyn.
