Almatyda múrdesi tabylǵan kelinshektiń 7-qabattan sekirip ketkeni anyqtaldy - ІІD
ALMATY. QazAqparat - Almaty polıtseıleri izdeý jarııalanǵan kelinshek túsken barlyq beınebaqylaý kameralaryn zerttep shyqty, dep habarlaıdy QazAqparat tilshisi.
Almaty qalasy ІІD baspasóz qyzmetiniń habarlaýynsha, 38 jastaǵy Natalıa ıAkovlevanyń ákesinen onyń joǵalyp ketkeni týraly aryzy túskennen bastap, izdeý sharalary birden bastalǵan.
«Birneshe saǵattan keıin Brýsılovskıı kóshesindegi kópqabatty úılerdiń biriniń aýlasynan onyń múrdesi tabyldy. Múrdede qorlap óltirý belgisi baıqalmady. «Qaýipsiz aýla» baǵdarlamasy boıynsha ornatylǵan aýladaǵy beınebaqylaý kameralarynan alynǵan málimetter boıynsha kelinshektiń úıge jalǵyz kirgenin anyqtadyq. Ol jedelsatymen kóterilip, 7-qabattan sekirip ketken», - dedi polıtsııadaǵylar.
Atalǵan fakti Almaly aýdandyq ІІB-da sotqa deıingi tergeý biryńǵaı resstrine tirkelip, sot-medıtsınalyq saraptama taǵaıyndaldy. Oqıǵanyń ózge de sebepteri anyqtalý ústinde.
