Almatyda murajaılar jáne mádenı týrızm máselesi talqylanady
ASTANA. 17 mamyr. QazAqparat - Almatyda «Ǵylym ordasy» respýblıkalyq memlekettik kásipornynyń uıymdastyrýymen 18 mamyrda Halyqaralyq murajaılar kúniniń 32 jyldyǵyna arnalǵan «Murajaılar jáne mádenı týrızm» atty saltanatty shara ótedi.
Qoǵamnyń damýyndaǵy murajaılardyń ózindik ornyn jurtshylyqtyń jaqsy tanýyn qamtamasyz etý úshin Halyqaralyq murajaılar keńesi (ICOM) 1977 jyly 18 mamyrdy - Halyqaralyq murajaılar kúni (IMD) dep jarııalady.
Bul ataýly data (IMD) - erekshe mereke. Osy kúndi murajaılar mádenı uıymdarǵa qatysty máselelerdi birlesip sheshýge baǵyttaıdy. Halyqaralyq muarajaılar kúni - mýzeı isiniń kásibı sheberleriniń jurtshylyqpen qaýyshýy úshin jańa múmkindikterge jol ashady. Murajaılar - qoǵamnyń damýy úshin qyzmet etetin mekemelerdiń biregeıi.
Saltanatty is-sharaǵa mýzeılerdiń basshylary men qyzmetkerleri, qalanyń mádenıet salasyn basqaratyn basshylary, Qazaqstan týrıstik qaýymdastyǵynyń jáne týrıstik kompanııalardyń ókilderi, ıÝNESKO men Brıtan Keńesiniń mamandary qatysady.
