Almatyda murajaı qyzmetkerleri marapattaldy
ALMATY. Mamyrdyń 18-i. QazAqparat /Erlik Erjanuly/ - Almatyda murajaı qyzmetkerleri memlekettik marapatqa usynylatyn boldy.
Bul jaıly búgin qalalyq ákimshilikte Halyqaralyq murajaılar kúnine oraı uıymdastyrylǵan alqaly jıynda aıtyldy, dep habarlaıdy QazAqparat.
«Sizderdiń mamandyqtaryńyz barlyq kezde birdeı qoǵamda joǵary suranysta bolmasa da, mańyzy men qajettiligi jáne mazmuny jaǵynan barlyq kezde joǵary turdy. Onsyz ózin mádenıetti sanaıtyn qoǵam ómir súre de almaıdy. Qalalyq ákimdik murajaı qyzmetkerlerin memlekettik nagradalarmen marapattaýdy qoldaıdy jáne Elbasyna zańdyq negizde usynys jasaıdy. Óıtkeni sizderdiń eńbekterińiz bizdiń árqaısymyzǵa da kerek», deıdi qala ákiminiń orynbasary Serik Seıdýmanov. Respýblıkalyq jáne qalalyq deńgeıdegi ártúrli murajaı basshylary, murajaı ardagerleri men úzdik murajaı qyzmetkerlerine qala ákiminiń quttyqtaýyn jetkizgen Serik Turaruly olarǵa qala ákiminiń alǵyshatyn tabys etti. Sondaı-aq Almaty qalasynyń tarıhy murajaıynyń basshysyna memlekettik nagradaǵa usynylatyn murajaı qyzmetkerleriniń tizimin ázirleýge tapsyrma berdi.
