Almatyda munaıgaz salasyna arnalǵan halyqaralyq sımpozıým men kórme ótedi
ALMATY. Naýryzdyń 20-sy. QazAqparat /Erlik Erjanuly/ - Almatyda naýryzdyń 25-26-sy kúnderi munaıgazdy óńdeý men munaı hımııasyna arnalǵan 5-shi halyqaralyqCaspian Business Events«KazRefinEx 2010» sımpozıýmy men kórmesi ótedi,
dep habarlaıdy QazAqparat.
Ony «Caspian Business Events» kompanııasy uıymdastyryp otyr. Bul sharaǵa bıyl Ortalyq Azııa men Eýropanyń salalyq sarapshylary qatyspaq. Onda munaı ónimderiniń sapasyn arttyrý jáne assortımentti keńeıtý, munaı ónimderiniń marketıngi, qazirgi zamanǵy janar-jaǵar maı stansysy, bıtýmdy qoldaný, munaıhımııasy óndirisin qurý, ekologııalyq baqylaý júıesi jan-jaqty sóz bolady dep josparlanýda. Baǵdarlamada iskerlik kezdesýler, pikirsaıystar, tehnıkalyq sımpozıým, dóńgelek ústel májilisteri, konferentsııa, kórme jáne «Refining Leaders Awards» syılyǵy enip otyr.
