Almatyda munaı ónimderin quıý barysynda órt boldy, kúıik shalǵan er adam aýrýhanaǵa jetkizildi
ASTANA. 21 shilde. QazAqparat - Almatynyń Jetisý aýdanynda, Pervomaı qıylysynda keshe saǵat 11.36-da «Dostyq Munaı-Beıs» JShS-de bir rezervýardan ekinshisine munaı ónimin quıý kezinde órt boldy.
Bul týraly QR TJM-niń baspasóz qyzmeti habarlady.
Órt saǵat 14.51-de sóndirildi. Tilsiz jaýdy aýyzdyqtaýǵa QR TMJ Almaty qalasy boıynsha TJD órtke qarsy qyzmetiniń 90 adamy men 24 tehnıkasy jumyldyryldy. Jalyn sharpyǵan aýmaq 18 sharshy metrdi qurady. Órt saldarynan 50 jastaǵy kúzetshini kúıik shalyp, aýrýhanaǵa jetkizildi.
