Almatyda múmkindigi shekteýli jandar saıahatqa shyqty
ALMATY. QazAqparat - Almatyda Jetisý aýdany ákimdigi múmkindigi shekteýli adamdardy kórikti jerlerine saıahatqa alyp shyqty, dep habarlaıdy QazAqparat tilshisi.
Bul aktsııa «Qart adamdar men múgedekterdi qoldaý aılyǵy» aıasynda jáne «Bolashaqqa baǵdar: rýhanı jańǵyrý» baǵdarlamasyn iske asyrý maqsatynda ótti.
Saıahat metropolıtenge túsýden bastaldy. Aktsııaǵa qatysqandardyń arasynda jerasty jolyn alǵash ret kórgender de boldy.
Múgedek jandar QR Tuńǵysh Prezıdentiniń saıabaǵynda, Almatynyń tarıhy murajaıynda boldy. Murajaıda ejelgi Almatý qonysy, patshalyq Vernyı jáne keńestik Alma-Atanyń tarıhymen tanysty.
Shara sońynda qalany aralaǵan múgedekter Panfılov kóshesindegi jańadan ashylǵan jaıaý júrginshi alleıasymen júrip ótti.
Múmkindigi shekteýli jandar ákimdik ókilderine alǵystaryn jetkizdi.
