Almatyda múmkindigi shekteýli balalarǵa arnalǵan ekologııalyq dıskoteka uıymdastyryldy
ATY. 31 mamyr. QazAqparat /Názıra Eleýhan/ - Almatyda Halyqaralyq balalardy qorǵaý kúnine oraı, "Múgedek balalar ata-analarynyń qaýymdastyǵy" ońaltý ortalyǵynda (RTs «ARDI») múmkindigi shekteýli balalar úshin "Ǵalamshardy qutqaramyz!" atty ekologııalyq dıskoteka uıymdastyryldy.
Atalmysh shara "Múgedek balalar ata-analarynyń qaýymdastyǵy" ońaltý ortalyǵy, «Panasonic (CIS) AQ, Almaty ınternatsıonaldyq áıelder klýbynyń uıymdastyrýymen ótkizildi.
Merekege 70-ten asa múgedek balalar jáne olardyń ata-analary qatysty. Olar úshin arnaıy kontserttik baǵdarlama uıymdastyryldy. Sharaǵa qatysqan ánshi Erlan Kókeev, «K7», «Everest», «E-Mae», «AmetisT» jáne «New World» toptary balalardy merekemen quttyqtap, olar úshin arnaıy óner kórsetti.
" Barlyq sharalar búgin tek balalar úshin uıymdastyrylýda. Biz olardyń bar kóńilimen qýanǵanyn, shattanǵanyn, kóńil kótergenin, dem alǵanyn qalaımyz",-dep atap ótti "Múgedek balalar ata-analarynyń qaýymdastyǵy" ońaltý ortalyǵynyń dırektor mindetin ýaqytsha oryndaýshy Rınat Muhametshın.
Onyń aıtýynsha bul kúnge "Panasonic" kompanııasy «Ekoıdeıa» jobasy aıasynda ortalyqtyń aýmaǵyna arnaıy gúlder men ár túrli ósimdikterdi otyrǵyzyp syıǵa tartqan.
