Almatyda múmkindigi shekteýli balalardy emdeýge arnalǵan ıppoterapııa jobasy iske qosyldy
Tuńǵysh Prezıdent N. Nazarbaevtyń qory «Qamqorlyq» jobasy aıasynda memleket basshysy Q. Toqaevtyń aýtıstik spektrdegi múgedek balalarǵa arnalǵan mekemeler sanyn arttyrý týraly tapsyrmasyna sáıkes, sondaı-aq Nur Otan partııasynyń «Ózgerý joly: árkimge laıyqty ómir» saılaýaldy baǵdarlamasyn oryndaý úshin Almatyda «Ippoterapııa» men «At sporty» jobasynyń ashylýy ótti.
Іs-shara QR Táýelsizdiginiń 30 jyldyǵy men Astana kúnine arnaldy.
Almaty ákimdiginiń málimetinshe, búgingi deıin megapolıstegi ıppoterapııa aqyly túrde qyzmet kórsetti. Bul biraz almatylyq úshin qoljetimsiz edi. Endi qalalyq bıýdjet esebinen jylyna 100-ge jýyq bala em alýǵa múmkindik aldy.
Joba psıhonevrologııalyq aýrýlary, aqyl-oı kemistigi, tirek-qımyl apparaty buzylǵan, sonyń ishinde BTsP, Daýn sındromy, aýtızm spektri buzylǵan 18 jasqa deıingi múgedek balalardy qoldaý men emdeýge baǵyttalǵan.
«Ippoterapııa» ádisi alǵash ret 1992 jyly AQSh-ta amerıkandyq ıppoterapııa qaýymdastyǵynyń qurylýymen tuspa-tus keldi.
Bul biregeı ári jańashyl joba. Joba aıasynda múgedektigi bar balalardy aýrýdyń erte kezeńderinde sátti emdeýge bolady.
Jobany Paralympic Sports Association qoǵamdyq qory Almaty qalasynyń Áleýmettik ál-aýqat basqarmasynyń qoldaýymen memlekettik áleýmettik tapsyrys aıasynda jergilikti bıýdjet esebinen júzege asyrýda.
