Almatyda múmkindigi shekteýli adamdar arasynda sporttyq jarystar ótti
ALMATY. 9 maýsym. QazAqparat /Ádilet Musahaev/ - El táýelsizdiginiń 20 jyldyǵyn merekeleýge arnalǵan etno-mádenı salt-dástúrler festıvali aıasynda búgin Almatyda múmkindigi shekteýli adamdar arasynda sporttyń birneshe túrinen saıystar ótti.
Sharany «Nur Otan» HDP-nyń Áýezov aýdandyq fılıaly men osy aýdannyń ákimdigi jáne nemis etno-mádenı ortalyǵy uıymdastyryp otyr.
Múmkindigi shekteýli jandar ádil kúreste tolyqqandy ómirge degen óz quqyqtaryn dáleldep shyqqty. Olar shahmat, toǵyz qumalaq, qolkúresi, jarys, kúımelerde júrý, júgirý, tennıs, darts syndy sporttyń segiz túrinen synǵa tústi.
Jarystyń qorytyndysy boıynsha jeńimpazdar áıelder men erler arasynda anyqtalyp, aýdandyq «Nur Otan» fılıaly atynan arnaıy syılyqtar men maqtaý qaǵazdaryn ıelendi.
«Nur Otan» HDP-nyń Áýezov aýdandyq fılıalynyń tóraǵasy Murat Omarovtyń aıtýynsha, deniniń saý bolýy - adamnyń shynaıy talpynysy. «Densaýlyqtyń saý bolýy - bul aýrýdyń joqtyǵy ǵana emes, psıhologııalyq, áleýmettik saýlyq. Sondyqtan búgingi ótkizilip otyrǵan shara jarymjan adamdardyń jınalyp, óz múmkindikterin sezinýdiń jáne qoǵamdyq ómirge belsendi qosylýdyń taǵy bir múmkindigi bolyp otyr. Kelgen jandardyń kóbiniń júzine qýanysh úıirildi, bul ár qatysýshynyń óz ómirinde negizgi jeńisti baǵyndyrǵandyǵynyń dáleli», -deıdi ol.
Jarys aıaqtalysymen sharaǵa qatysýshylardyń barlyǵy merekelik dastarhanǵa shaqyrylyp, ózara áńgimelesýlerine múmkindikteri boldy.
