Almatyda muqtaj jandarǵa azyq-túlikti jetkizýge 100 volonter jumyldyryldy
«Muqtaj jandarǵa qoldaý kórsetip júrgen kásipkerler men qarapaıym qala turǵyndaryna alǵys aıtamyn. «Jańa Alataý» qorynyń arnaıy esebine 257 mln-nan astam demeýshilik qarajat tústi. Búginde sonyń 136 mln teńgesine kómek kórsetildi. Soǵys ardagerlerine, 1-3 toptaǵy múgedekterge, az qamtylǵan jáne kópbalaly, sondaı-aq jalǵyzbasty analarǵa 12 myń azyq-túlik sebeti jetkizildi. Arnaıy mektepter, ınternattar men balalar úılerine azyq-túlik jáne zalalsyzdandyrý quraldary berildi»,– dep jazdy qala ákimi Instagram-daǵy paraqshasynda.
Sondaı-aq ol, Almatyda sanıtarlyq qaýipsizdikti saqtaý boıynsha arnaıy daıyndyqtan ótken 100 erikti jumys istep jatqanyn atap ótti.
«Almatyda sanıtarlyq qaýipsizdikti saqtaý boıynsha arnaıy daıyndyqtan ótken 100 erikti jumys isteıdi. 16 naýryzdan bastap shamamen 18 myń ótinish qaraldy. Olar muqtajdarǵa beriletin azyq-túlik jıyntyqtaryn, dári-dármekter men birinshi qajettiliktegi zattardy ólshep, oraýǵa, ony jetkizýge kómektesedi. Sondaı-aq, aqparattyq-keńes berý boıynsha da qoldaý kórsetiledi. Bizdi alǵa jeteleıtin úmit pen senim. Qalamyzdyń qarapaıym turǵyndary sol úmit otyn jaǵyp, qıyndyqty eńserýge kómektesip júr», - dep tolyqtyrdy ol.