Almatyda muqtaj otbasylardyń balalaryn mektepke daıyndaýǵa 260 mln teńge bólindi
ALMATY. QazAqparat – Almaty ákimdigi muqtaj otbasylardyń balalaryn mektepke daıyndaýǵa 260 mln teńge bóldi, dep habarlaıdy QazAqparat tilshisi.
«Qaladaǵy barlyq bilim berý oryndarynda oqý jylyna daıyndyq júrip jatyr. Bıyldyń ózinde 204 jalpy bilim beretin mektepke 258 oqýshy qabyldanady. Jalpy kontıngentten bólek kómekke muqtaj, kópbalaly, áleýmettik jaǵynan az qamtylǵan otbasylardyń balalary da bilim alady. Almaty ákimdigi osyndaı muqtaj otbasylarǵa kómek retinde mektep formasyn alýǵa qarajat bóldi. Almaty boıynsha 16 myń oqýshy bar eken. Olardy mektep formasymen qamtýǵa ákimdik 260 mln teńge qarastyrdy», - dedi qalalyq Bilim berý basqarmasynyń basshysy Gúlnar Qojabergenova.
Sonymen qatar, qalada «Mektepke jol aktsııasy» júrip jatyr. Shara aıasynda bıznes ókilderi men belsendi qoǵamdyq uıymdardyń kómegimen 15 mln teńge jınaldy.
«Bul qarajatqa kıim, mektep formasy, aıaq kıim, sport kıimi, oqý quraldary satylyp alyndy. Aktsııa qyrkúıektiń aıaǵyna deıin jalǵasady», - dedi G. Qojabergenova.
