Almatyda Muhtar Áýezovtyń ata-teginiń tarıhy baıandalatyn kitap jaryq kórdi
MATY. 23 qarasha. QazAqparat /Názıra Eleýhan/ - Búgin Almatyda QR Ulttyq kitaphanasynda qazaqstandyq shyǵystanýshy-ǵalym, tarıh ǵylymdarynyń doktory Áshirbek Mýmınniń «Muhtar Áýezovtyń tektik tarıhy» atty kitabynyń tusaýy kesildi.
Bul týyndy «Jibek Joly» baspasynan 1000 danamen, orys tilinde jaryq kórdi.
Kitap Muhtar Áýezovtyń fenomenin eki aspektide zertteýge arnalǵan. Birinshiden, uly jazýshy tulǵasy shyqqan tegi - qojalardyń mádenı álemimen tyǵyz baılanysty zerttelgen. Ekinshiden, Muhtar Áýezov darynyna negiz bolǵan qazaq musylman qoǵamynyń rýhanı jáne ıntellektýaldyq áleýeti qarastyrylǵan. Sonymen qatar, keń kólemdi jańa derekkózderdiń negizinde qazaq musylman qoǵamynyń rýhanı kóshbasshysy bolǵan qojalardyń róli zertteledi. «Qazaq musylman qoǵamy men ulttyq mádenıettiń úılesimdi damýy men birligin qamtamasyz etken musylmandyq ilimdi jasap, taratýda qojalar qaýymy mańyzdy oryn alǵan»,-deıdi avtor.
Tusaýkeser rásimine elimizdiń zııaly qaýymy, tarıhshylar men tanymal jazýshylar qatysty.
Áýezovtar urpaǵynyń jalǵasy bolyp tabylatyn, mádenıettanýshy - ǵalym, qoǵam qaıratkeri Murat Áýezovtyń aıtýynsha, shyǵarma - naǵyz ǵylymı zertteý, monografııa. «Bundaı kitap kerek. Óıtkeni, el urpaǵyn, onyń qandaı rýhanı mindet atqarǵanyn, ǵylymı turǵyda bilýi qajet. Kitapta onyń ómirbaıanymen qatar, ıslam dini, hanafıt baǵytynyń Ortalyq Azııada oryn alýy jáne budan ózge de qyzyqty tyń jańa materıaldar engen. Bul kitapty shynymen de ár qazaq úshin, otandastar úshin úlken rýhanı olja dep bilemin»,-dedi Murat Áýezov.
Shara barysynda bul osyǵan deıin qazaq tilinde shyqqan «Muhtar Áýezov shejiresi» kitabynyń jalǵasy boldy dep atap ótildi.
