Almatyda "Muhtar Áýezov" entsıklopedııasynyń tusaýkeseri ótti
ALMATY. 12 jeltoqsan. QazAqparat /Erlik Erjanuly/ - Bul keleshekte jazylatyn tulǵalyq entsıklopedııalarǵa úlgi-ónege bolatyn sııaqty.
Abaıtanýshy, fılologııa ǵylymynyń doktory Mekemtas Myrzahmetov búgin Almatyda "Muhtar Áýezov" entsıklopedııasynyń tusaýkeserinde osylaı aıtty.
" Áýezovtiń taǵdyry da, búkil shyǵarmasy da kúrdeli. Ony oqyp, ajyratý úshin birinshi kómek osy entsıklopedııa bolýy kerek. Entsıklopedııanyń bir jaqsy jeri maqalalardyń kóbi mamandarǵa tapsyrylypty, Maman jazǵan maqala derekti maǵlumattardy kóz aldyńa elestetip beredi. Bul ǵalymdarǵa da, muǵalimderge de, stýdentterge de kómekshi bolady", - deıdi professor M. Myrzahmetov.
1995 jyly Abaıdyń týǵanyna 150 jyl tolýyna oraı alǵashqy tulǵalyq entsıklopedııa jaryq kórgen edi. "Muhtar Áýezov entsıklopedııasy" "Atamura" baspasynan shyǵyp otyrǵan ekinshi eńbek. Redaktsııa jazýshynyń ósip-óngen ortasy, aınalasy, shyǵarmashylyq murasy men basqa da máselelerdi jan-jaqty qamtyǵan 3 myńdaı maqala men 500-ge jýyq sýretterdi jınaqtaǵan. Entsıklopedııaǵa ár taqyrypta maqalalar jazǵan avtorlardyń sany 200-den asady.
"Atamura" korporatsııasy" JShS-niń prezıdenti Rahymǵalı Abraruly Qul-Muhamedtiń aıtýynsha," Muhtar Áýezov entsıtklopedııasy" 10 tomdyǵy búgin QR Ulttyq kitaphanasyna tartý etildi. Endi aýdandyq kitaphanalarǵa da taratylmaq.
